1 యోహాను 1:3 లో, విశ్వాసుల సహవాసము "తండ్రితోను మరియు ఆయన కుమారుడైన యేసుక్రీస్తుతోను" ఉందని నిస్సందేహంగా వారికి వ్రాసాడు అపోస్తలుడైన యోహాను. ఆయన ఉపయోగించిన పదాలు ఎంతో బలంగా ఉన్నాయి కాబట్టి తర్జుమా చేసేవారు, “‘నిజంగా’ మన సహవాసం తండ్రితోను మరియు ఆయన కుమారుడైన యేసుక్రీస్తుతో ఉంది” అని తర్జుమా చేసారు.

ఆ రోజుల్లో విశ్వాసుల (బాహ్య) పరిస్థితి చాలా దయనీయంగ మరియు నీఛంగ ఉండేది. వారి నాయకులు ‘లోకమునకు మురికిగాను అందరికి పెంటగాను ఎంచబడేవారు.’ కాబట్టి తమతో సహవాసానికి ఇతరులను ఆహ్వానించాలంటే అభ్యంతరకరంగ కనిపించేది: “విశ్వాసులతో సహవాసం చేయడం వల్ల ప్రయోజనం ఏంటి? వారితో ఉంటే కష్టాలు, నిందలు, అవమానాలు, మరియు శ్రమలే కదా” అన్న భావన ఉండేది.

ఈ భావన తొలగించడానికి అపొస్తలుడైన యోహాను వారికి వ్రాస్తూ, ‘శరీర రీత్యా చూస్తే మనతో సహవాసం నష్టమే అన్నట్టుగ కనిపించవచ్చు కాని, వాస్తవానికి మనము కలిగి ఉన్నది చాలా గౌరవప్రదమైనది, మహిమాన్వితమైనది మరియు కోరదగినది’ అని తెలియజేస్తాడు. ఎందుకంటే, “నిజంగా, మన సహవాసం తండ్రితో, ఆయన కుమారుడైన యేసుక్రీస్తుతో ఉంది.”

అపోస్తలుడైన యోహాను ఎంతో సూటిగ హృదయపూర్వకముగ ఈ మాటలు వ్రాస్తున్నాడు కాబట్టి మనము కూడ, “పరిశుద్ధుల సహవాసము దేవునితో ఉంది” అని నిస్సందేహంగా చెప్పవచ్చు.

పాపము ఈ లోకంలోనికి ప్రవేశించినప్పటి నుండి, తమ పాపపు స్వభావం కారణంగా ఏ మనిషి దేవునితో సహవాసం చేయలేదు. ఆయన వెలుగు; మనము చీకటి; వెలుగునకు చీకటితో ఏమిపొత్తు? (2 కొరింథీ. 6:14). ఆయన జీవము; మనము మృతులము. ఆయన ప్రేమ; మనము శత్రుత్వం. ఆయనతో మనకు పొత్తు (సహవాసము) కుదురుతుందా? క్రీస్తు లేని, నిరీక్షణ లేని, లోకంలో దేవుడు లేని స్థితి మనది (ఎఫెసీ. 2:12). మనుష్యులు “తమలోనున్న అజ్ఞానముచేత దేవునివలన కలుగు జీవములోనుండి వేరుపరచబడ్డారు” (ఎఫెసీ. 4:18). ఆలోచించండి, “సమ్మతింపకుండ ఇద్దరు కలిసి నడవగలరా?” (ఆమోసు 3:4). దేవునికి మనిషికి మధ్య ఈ దూరం ఉన్నప్పుడు, వారు ‌కలిసి సహవాసంలో నడవడం అసాధ్యం.

దేవుని పట్ల మనకున్న మొదటి ఆసక్తి పాపము వలన పోయింది. మనము ఆ ఆసక్తిని మరల పుట్టించుకోలేని స్థితిలోకి దిగజారాము. ఆయన వద్దకు తిరిగి రావడానికి కావలసిన శక్తంతటిని కోల్పోయాము. అంతేకాదు, దేవుడు కూడ ఏ విధమైన మార్గమును కనుపరచలేదు. పాపులు ఆయనతో సమాధానపడుటను ఉద్దేశించి దేవుడు ఏ విధమైన వివరణ ఇవ్వలేదు.

దేవుడు క్షమించి తన కృపను దయను చూపించడమే మనకున్న ఏకైక ద్వారము. ఆ సహవాసం మరల కలగాలంటే ఇదొక్కటే మార్గం. అయితే, అది ప్రాయశ్చిత్తం చేసిన వ్యక్తి చేతికి (యేసు క్రీస్తుకు) అప్పగించబడింది. ఆయనలో మాత్రమే అది కనుపరచబడింది. ఈయనే ఆ కృపను దయను సంపాదించాడు. ఈయన ద్వారా మాత్రమే అది మనకు ఇవ్వబడుతుంది. తండ్రి తన హృదయమును ఆయన ద్వారా మాత్రమే బయలుపరిచాడు.

అందుకే, పాత నిబంధనలో దేవునితో ఈ సహవాసమును గురించి స్పష్టంగా ప్రస్తావించబడలేదు. అక్కడ ఉంది, కానీ దాని స్పష్టత మరియు విశ్వాసమను బట్టి కలిగే ధైర్యం, క్రొత్త నిబంధన యొక్క సువార్తలో మాత్రమే చూస్తాము. పరిశుద్ధాత్ముడు దీనిని అనుగ్రహిస్తాడు. పరిశుద్ధాత్ముని వలన నిరాటకంగ (స్వాతంత్ర్యము) ఆ సహవాసం మనకు కలుగుతుంది (2 కొరింథీ. 3:17,18).

అబ్రాహాము దేవుని స్నేహితుడు (యెష. 41: 8). దావీదు దేవుని హృదయానుసారుడు. హనోకు దేవునితో నడిచాడు (ఆది 5:22). వారందరూ ఈ సహవాసం యొక్క వాస్తవికతను అనుభవించారు. అయితే మొదటి ప్రత్యక్ష గుడారం నిలబడి ఉన్నంత కాలం అతి పరిశుద్ధ స్థలంలోకి వెళ్లే మార్గం స్పష్టంగా కనిపించలేదు (హెబ్రీ. 9: 8).

వారు దేవునితో సహవాసం కలిగి ఉన్నప్పటికీ, వారికి ‘పరేసియన్’ [NT:3954], అనగా నిర్భయము, ధైర్యం లేదు (ఎఫెసీ. 3:12). మన ప్రధాన యాజకుడు అతి పరిశుద్ధ స్థలంలోకి ప్రవేశించిన తర్వాత మాత్రమే అది వచ్చింది. (హెబ్రి 4:16, 10:20). కాబట్టి, పాత నిబంధనలో ఉన్నవారిపై ముసుగు అలాగే ఉంది. వారికి ‘ఎలుటేరియన్’ [NT:1657], అనగా దేవున్ని చేరుటలో ‘నిరాటంకము, స్వాతంత్ర్యము’ లేదు. (2 కొరింథీ. 3:15, 16).

కానీ క్రీస్తులో ఇప్పుడు ‘ధైర్యమును నిర్భయమైన ప్రవేశమును ఆయననుబట్టి మనకు కలిగియున్నవి’ (ఎఫెసీ. 3:12). పాత నిబంధన భక్తులకు దీని గురించి తెలియదు. ఈ దూరం యేసుక్రీస్తు ద్వారా మాత్రమే తొలగించబడుతుంది. ఆయన తన శరీరము అను తెరద్వారా మనకొరకు నూతనమైన జీవముగల మార్గమును ప్రతిష్ఠించాడు (హెబ్రి 10:19). ఆయన ద్వారానే మనము ఒక్క ఆత్మయందు తండ్రిసన్నిధికి చేరగలిగియున్నాము. (ఎఫెసీ 2:18). మునుపు దూరస్థులైన మీరు ఇప్పుడు క్రీస్తుయేసునందు క్రీస్తు రక్తమువలన సమీపస్థులై యున్నారు. ఆయన మన సమాధానమైయున్నాడు. (ఎఫెసీ 2:13,14).

నూతనమైన ఈ పునాదిపై, నూతనమైన జీవముగల ఈ మార్గం ద్వారా, పాపులు దేవునితో సహవాసంలోకి ప్రవేశిస్తారు. వారు ఆయనతో అన్యోన్య సహవాసం కలిగి ఉంటారు. పాపులు దేవునితో, అనంత పరిశుద్ధుడైన దేవునితో సహవాసం చేయడం నిజంగా ఆశ్చర్యపరిచే ఏర్పాటు.

[ఈ వ్యాసము John Owen గారు రచించిన “దేవునితో సహవాసము” (Communion with God) అనే విలువైన పుస్తకములోనుండి సంగ్రహించబడినది. తరువాయి భాగము వచ్చేవారం ప్రచురణ చేయబడుతుంది. ప్రార్థించగలరు].

large_pexels-kun-fotografi-1230302.jpg

medium_pexels-kun-fotografi-1230302.jpg

small_pexels-kun-fotografi-1230302.jpg

thumbnail_pexels-kun-fotografi-1230302.jpg

pexels-kun-fotografi-1230302.jpg

"Communion with God" పుస్తక అనువాదము. Part 1; Chapter 1; Section A. రచయిత: John Owen.

దేవునితో సహవాసము

communion-with-god-1

దేవుడు యెహోషువను సిద్ధపరుస్తూ చెప్పిన సూచనలు, క్రొత్త సంవత్సరము కొరకు సిద్ధపడుతున్న నీకు కూడ ఒక చక్కని సిద్ధపాటును ఇస్తాయని ఆశిస్తున్నాను.

దైవసేవకుడైన మోషే చనిపోయిన తరువాత దేవుడు యెహోషువను నిలబెట్టాడు. ఇది యెహోషువకు ఒక క్రొత్త ప్రారంభం. కాబట్టి ముందున్న పరిస్థితి కొరకు అతడు ఎలా సిద్ధపడాలి?

దేవుడు ఆయనకు ఇచ్చిన సిద్ధపాటులో కొన్ని అంశాలు ఇవి:

1. “నిన్ను విడువను నిన్ను ఎడబాయను, నిబ్బరముగలిగి ధైర్యముగా నుండుము” (యెహోషువ 1:6): దేవుడు ఇచ్చిన ఈ వాగ్దానం యెహోషువను బలపరచింది గనుక దేవుని పనిని విశ్వాసంతో చేపట్టి సఫలుడైయ్యాడు. యేసు ప్రభువును ఆశ్రయించి, ఆయన మహిమ కొరకు జీవిస్తున్న నీకు కూడ ప్రభువు నిత్యమైన సహాయకుడిగా ఉంటాడని వాక్యము తెలియజేస్తుంది (హెబ్రీ 13:5,6). రాబోవు సంవత్సరములన్నీటిలో నీవు కూడ ఈ వాగ్దాన్నాన్ని జ్ఞాపకముంచుకోవాలి.

2. “…ధర్మశాస్త్రమంతటి చొప్పున చేయవలెను. నీవు నడుచు ప్రతి మార్గమున చక్కగా ప్రవర్తించునట్లు నీవు దానినుండి కుడికిగాని యెడమకుగాని తొలగకూడదు. ఈ ధర్మశాస్త్రగ్రంథమును నీవు బోధింపక తప్పిపో కూడదు. దానిలో వ్రాయబడిన వాటన్నిటి ప్రకారము చేయుటకు నీవు జాగ్రత్తపడునట్లు దివారాత్రము దాని ధ్యానించినయెడల నీ మార్గమును వర్ధిల్లజేసికొని చక్కగా ప్రవర్తించెదవు.” (యెహోషువ 1:7,8): ఈ సంవత్సరము కొరకు నీవు తీసికొంటున్న నిర్ణయాల్లో ఇది అతి ప్రాముఖ్యమైనది. దేవుని వాక్యాన్ని ధ్యానించడానికి సమయాన్ని కేటాయించి, వాక్యాన్ని అనుసరిస్తూ నీ జీవితాన్ని కట్టుకుంటూ, వాక్యాం గురించి ఎల్లప్పుడు సంభాషణ చేస్తూఉండాలి. ఈ పని ఆసక్తితో, ఆనందముతో చేయాలి. లేఖనాలకు ప్రథమ స్థానం ఇవ్వాలి. (కీర్తనలు 1:2,3; ఎజ్రా 7:10).

3. “యెహోవా మీ మధ్య అద్భుతకార్యములను చేయును గనుక మిమ్మును మీరు పరిశుద్ధపరచు కొనుడి…” (యెహోషువ 3:5): దేవుడు వారి మధ్య ఉన్నాడు గనుక ఇశ్రాయేలీయులు తమను తాము పరిశుద్ధపరచుకోవాలి. యేసు రక్తము చేత విమోచింపబడిన నీవు కూడ ఆయన కొరకు ఈ లోకంలో పరిశుద్ధత కలిగి జీవించాలి. మీరు పరిశుద్ధులగుటయే …దేవుని చిత్తము. (1 థెస్స 4:3). పరిశుద్ధతయందును ఘనతయందును తన తన ఘటమును ఎట్లు కాపాడుకొనవలెనో అది యెరిగియుండుటయే దేవుని చిత్తము. (1 థెస్స 4:5). పరిశుద్ధతలేకుండ ఎవడును ప్రభువును చూడడు. (హెబ్రీ 12:14). హృదయశుద్ధిగలవారు ధన్యులు; వారు దేవుని చూచెదరు. (మత్తయి 5:8). ఈ విషయములో మీరు అంతకంతకు అభివృద్ధి నొందవలెనని మిమ్మును వేడుకొని ప్రభువైన యేసునందు హెచ్చరించుచున్నాము. (1 థెస్స 4:2).

4. దేవుని మహిమ కొరకు సమస్తము ఉన్నది. “యెహోషువ యెరికో ప్రాంతమున నున్నప్పుడు అతడు కన్నులెత్తి చూడగా, దూసిన కత్తి చేత పట్టుకొనియున్న ఒకడు అతని యెదుట నిలిచియుండెను; యెహోషువ అతని యొద్దకు వెళ్లి - నీవు మా పక్షముగా నున్నవాడవా, మా విరోధుల పక్షముగా నున్నవాడవా? అని అడుగగా అతడు - కాదు, యెహోవా సేనాధిపతిగా నేను వచ్చి యున్నాననెను.” (యెహోషువ 5:13): యెహోవా పక్షమున, యేసు క్రీస్తు పక్షమున, సమస్త కార్యములు జరుగుతున్నాయని నీవు గ్రహించడం ఎంతో ప్రాముఖ్యము. దేవుడు యెహోషువను అలా సిద్ధపరిచాడు. “ఆయన మూలమునను ఆయన ద్వారాను ఆయన నిమిత్తమును సమస్తము కలిగియున్నవి. యుగముల వరకు ఆయనకు మహిమ కలుగును గాక. ఆమేన్‌.” (రోమా 11:36). దేవుని మహిమ నిమిత్తం మనము ఉన్నాము. “It was never about you, it will never be about you,” అని అన్నాడు ఒక దైవజనుడు.

5. దేవుని కార్యాలను వచ్చు తరము వారికి తెలియజేయాలి. “వారు యొర్దానులో నుండి తెచ్చిన పండ్రెండు రాళ్లను యెహోషువ గిల్గాలులో నిలువబెట్టించి ఇశ్రాయేలీయులతో ఇట్లనెను - రాబోవు కాలమున మీ సంతతివారు - ఈ రాళ్లెందుకని తమ తండ్రులను అడుగుదురుగదా; అప్పుడు మీరు - ఇశ్రాయేలీయులు ఆరిన నేలమీద ఈ యొర్దానును దాటిరి. ఎట్లనగా యెహోవా బాహువు బలమైనదని భూనివాసులందరు తెలిసికొనుటకును, మీరు ఎల్లప్పుడును మీ దేవుడైన యెహోవాయందు భయభక్తులు నిలుపుటకును, మేము దాటువరకు మీ దేవుడైన యెహోవా తానే మాయెదుట ఎఱ్ఱసముద్రమును ఎండచేసినట్లు మీరు దాటువరకు మీ యెదుట యొర్దాను నీళ్ళను ఎండచేసెనని చెప్పి యీ సంగతి వారికి తెలియపరచవలెను.” (యెహోషువ 4:20-24): దేవుని కార్యాలను, యేసు క్రీస్తు యొక్క కార్యాలను ఇతరులకు తెలియజేయాలి. యెహోషువ వలె “నేనును నా యింటివారును యెహోవాను సేవించెదము,” అంటూ వచ్చు తరము వారికి సాక్షిగ నిలబడాలి. అట్టి కృప ప్రభువు నీకు అనుగ్రహించును గాక!

ప్రార్థన పూర్వకంగ సిద్ధపడు, ప్రయాసపడు. యెహోషువ ప్రార్థన చేసినప్పుడు సూర్యుడు నిలిచెను గదా!

large_pexels-cottonbro-3401897.jpg

medium_pexels-cottonbro-3401897.jpg

small_pexels-cottonbro-3401897.jpg

thumbnail_pexels-cottonbro-3401897.jpg

pexels-cottonbro-3401897.jpg

క్రొత్త సంవత్సరము కొరకు సిద్ధపడుతున్నావా? దేవుడు యెహోషువకు చెప్పిన సూచనలు నిన్ను కూడ సిద్ధపరుస్తాయి.

యెహోషువ లాంటి ప్రారంభము

a-beginning-like-joshua

What is your goal in life?

నన్ను ఎంతో మంది ఎన్నో సార్లు ఈ ప్రశ్న అడిగారు. ఒక స్థిరమైన జవాబు అప్పుడు నా దగ్గర లేదు. నా జవాబు మారుతూ వచ్చేది.

ప్రియ సోదరి/సహోదరుడా, అదే ప్రశ్న నిన్ను అడిగితే నీ జవాబు ఏంటి? What is your goal in life?

రకరకాల ఆశయాలు నిన్ను పరుగులు పెట్టిస్తుండవచ్చు; కాని, ఈ ప్రశ్నకు వాక్యము ఇచ్చె జవాబు ఒక్కటే: “క్రీస్తు ఘనపరచబడాలి!” (ఫిలిప్పి 1:19). ప్రభువుకు మహిమ తీసుకు రావడానికే నీవు సృష్టింపబడ్డావు. ఇంకొక ఉద్దేశం లేదు. క్రీస్తును ఘనపరచడం నీ జీవిత లక్ష్యంగా మారాలి.

అందుకే ఈ వెబ్‌సైట్‌ని ప్రారంభిస్తున్నాము. మీ ఆత్మీయ ప్రయాణంలో ఒక సహకారిగా, మీరు విశ్వాసమునందు అభివృద్ధియు ఆనందమును పొందు నిమిత్తము, దేవుని చేతిలో ఒక సాధనముగా ఈ వెబ్‌సైట్‌ వాడబడాలని మా నిరీక్షణ. “ప్రతి మనుష్యుని క్రీస్తునందు సంపూర్ణునిగా చేసి ఆయనయెదుట నిలువబెట్టవలెనని, సమస్తవిధములైన జ్ఞానముతో మేము ప్రతి మనుష్యునికి బుద్ధిచెప్పుచు, ప్రతి మనుష్యునికి బోధించుచు, ఆయనను ప్రకటించుచున్నాము. (కొలొస్సయి 1:28,29).”

<h3>స్వాగతం (Welcome):</h3>

ఈ వెబ్‌సైట్‌కి మిమ్మల్ని ప్రేమతో ఆహ్వానిస్తున్నాము. ఇందులో ఉన్న ఐదు విభాగాలు (లేదా ఐదు పేజీలు) మీరు గమనించాలి.

1. వ్యాసాలు (Articles): YouTube, Facebook ఇలాంటి వాటి వలన ఇప్పుడు సాహిత్యాన్ని మరచిపోతున్నారు. కాని, చదవడం అనే ప్రక్రియ మనకు ఎంతో మేలు చేస్తుంది. మనలో ఆలోచనాత్మక ధోరణిని పెంచుతుంది. కాబట్టి మీ ఆత్మీయ క్షేమము కొరకు వ్రాయబడుతున్న ఈ వ్యాసాలను (Articles) చదవండి.

2. ప్రసంగాలు (Sermons): దేవుని వాక్యం ప్రకటించబడుతున్నప్పుడు వినుటకు వేగిరపడాలి. ప్రకటించబడుతున్న వాక్యంతో సమానమైనది ఇంకొకటిలేదు. ఇది దేవుడు ఏర్పరచిన ఒక కృపా మాధ్యమము. దీని ద్వార దేవుని ఆత్మ, జ్ఞానము, ప్రేమ, శక్తి మనకు సమృద్ధిగా కలుగుతాయి.

3. సువార్త (Gospel): ఈ పేజీలో క్రీస్తు సువార్తను వివరిస్తూ క్లుప్త సందేశాలు పొందుపరస్తున్నాము. మనమందరము సువార్త పరిచర్యలో పాలుపొందాలి. కాబట్టి, వీటిని వినండి మరియు ఇతరులకు పంచండి.

4. పుస్తకాలు (Books): ఏదైన ఒక అంశాన్ని క్షుణ్ణంగా వివరించాలంటే పుస్తకాలు అవసరం. వ్యాసాల్లో (Articles) ఇది సాధ్యపడదు. సంఘ క్షేమాభివృద్ది కొరకు కొన్ని ప్రాముఖ్యమైన పుస్తకాలు, భక్తుల జీవిత చరిత్రలు, మొదలగునవి ఈ పేజీలో మీరు చూడవచ్చు.

5. సంగీతం/పాటలు (Music): “Next to the Word of God, the noble art of music is the greatest treasure in the world” (Martin Luther); “దేవుని వాక్యం తరువాత సంగీతం/పాటలు ఈ లోకంలో ఒక గొప్ప సంపద,” అన్నారు మార్టిన్ లూథర్ గారు. ప్రభువు మహిమార్దమై క్రొత్త కీర్తనలు ఇక్కడ మీరు వినవచ్చును.

Thank you for visiting this website. “గొఱ్ఱెల గొప్ప కాపరియైన యేసు అను మన ప్రభువును నిత్యమైన నిబంధన సంబంధమగు రక్తమునుబట్టి మృతులలోనుండి లేపిన సమాధానకర్తయగు దేవుడు, యేసు క్రీస్తుద్వారా తన దృష్టికి అనుకూలమైనదానిని మనలో జరిగించుచు, ప్రతి మంచి విషయములోను తన చిత్తప్రకారము చేయుటకు మిమ్మును సిద్ధపరచును గాక. యేసుక్రీస్తుకు యుగయుగములకు మహిమ కలుగునుగాక. ఆమేన్‌.” (హెబ్రి 13: 20,21).

large_F705FB70-D962-420C-908E-08E60E1B9385.jpeg

medium_F705FB70-D962-420C-908E-08E60E1B9385.jpeg

small_F705FB70-D962-420C-908E-08E60E1B9385.jpeg

thumbnail_F705FB70-D962-420C-908E-08E60E1B9385.jpeg

F705FB70-D962-420C-908E-08E60E1B9385.jpeg

ఈ వెబ్‌సైట్‌ గురించి కొన్ని పరిచయ వాక్కులు, మరియు దీనిని ప్రారంభిచుటలో గల ఉద్దేశము.

క్రీస్తు ఘనపరచబడాలి

christ-be-glorified

ఊహాలకందని ఉన్నత లోకం 

వర్ణింప శక్యం కాని మహిమ 

24 పెద్దలు, కెరూబులు 

లెక్కకుమించిన దూతలు

సింహాసనాలు, కిరీటాలు లేనివేళ 

సమీపింపరాని తేజస్సులో 

స్వయంభవుడు ఉండెను

కాలమన్నది కనుగొనకముందు 

ఆది సంభూతుడు తండ్రితో 

సమానుడై ఉండెను

భూమ్యాకాశాలు, నక్షత్ర తారలు 

సూర్య, సౌర కుటుంబాలు 

పాలపుంతలు, జీవరాసులను సృష్టించెను

రెక్కలొచ్చిన పక్షి 

గూడును వీడినట్లు 

పాపపరిహారం కోసం 

పరిశుద్ధుడు పరలోకం విడిచెను

కన్య గర్భమందు 

దైవ మానవునిగా అవతరించెను 

గొఱ్ఱెపిల్లయై ప్రాణార్పణ చేసెను 

పునరుత్థానంతో దేవునిగా నిరూపింపబడెను

మహా బలవంతుడు 

భూపతులకు అధిపతి 

రాజులకు రారాజు 

ప్రభువులకు మహా ప్రభువు

సర్వలోక పూజార్హుడు 

క్రీస్తు యేసే..
- పల్లె శాంతిరాజు.

large_pexels-polina-kovaleva-5827797.jpg

medium_pexels-polina-kovaleva-5827797.jpg

small_pexels-polina-kovaleva-5827797.jpg

thumbnail_pexels-polina-kovaleva-5827797.jpg

pexels-polina-kovaleva-5827797.jpg

సింహాసనాలు, కిరీటాలు లేనివేళ సమీపింపరాని తేజస్సులో స్వయంభవుడు ఉండెను: a Poem

స్వయంభవుడు

self-existent-one

సహజంగా వివాహం అనగానే యువతకు ఎన్నో ఆశలుంటాయి. పెద్దల సమక్షంలో ఎంగేజ్‌మెంట్‌ (ప్రధానం) అయిన తరువాత.. పెళ్లికి ముందు నూతన వధువు, వరుడు భవిష్యత్‌ కోసం ప్రణాళికలు వేసుకుంటూ.. ఊహాల్లో తేలియాడుతుంటారు. అయితే మరియతో ప్రధానం చేయబడిన యోసేపు మాత్రం ప్రతికూల పరిస్థితులను ఎదుర్కొవాల్సి వచ్చింది. అలాంటి పరిస్థితుల్లో ఆయన ఏం చేశాడో చదువండి.

నాటి యూదుల ఆచారం ప్రకారం.. వివాహ విషయమై పెద్దల సమక్షంలో పురుషునితో ప్రధానం చేయబడిన స్త్రీ, మరో పురుషునితో లైంగిక సంబంధం కలిగుంటే ఆమెను బహి రంగంగా శిక్షించడం యూదుల సంప్రదాయం.

యూదుల ధర్మశాస్త్రం ప్రకారం.. ‘‘ఒక పురుషుడు మరొక పురుషుని భార్యతో లైంగిక సంబంధం కలిగి ఉంటే ఆ స్త్రీ, ఆమెతో లైంగిక సంబంధం గల ఆ పురుషుడూ ఇద్దరూ చావాలి. చెడ్డది ఏదైనా సరే ఇశ్రాయేలు నుండి మీరు తొలగించాలి. మరొక పురుషునికి ప్రధానం చేయబడిన ఒక యువతిని ఇంకో పురుషుడు కలియవచ్చును. అతడు ఆమెతో లైంగిక సంబంధం కలిగి ఉండవచ్చు. ఇది పట్టణంలో జరిగితే మీరు వాళ్లిద్దర్నీ పట్టణ ద్వారం బయటకు తీసుకొని వచ్చి, మీరు వారిని రాళ్లతో కొట్టి చంపాలి.’’ (ద్వి.కా 22:22-24).

యోసేపు ప్రమేయం లేకుండా మరియ గర్భవతి అయిందనే సమాచారం యోసేపుకు తెలిసినప్పుడు తన గుండె అగినంత పనైంది. వివాహ విషయమై తాను కన్న కలలు ఎండ వేడిమికి మంచు కరిగినట్లు కరిగిపోయాయి. ఆ సందర్భంలో.. “మరియ నన్ను ఎందుకు మోసం చేసింది? ముందే ఎవరినైన ప్రేమిస్తే, నాతో వివాహనికి ఎందుకు ఒప్పుకుంది? ఆమె ఎవరి వల్ల గర్భవతి అయింది?” అని యోసేపు అనుకుని ఉండొచ్చు!

యోసేపు స్థానంలో మనలో ఎవరైన ఉంటే ఏం చేస్తాం? భేషరత్తుగా మరియను నిలదీసి, పెద్దల సమక్షంలో బహిరంగంగా శిక్షిస్తాం. అయితే.. యోసేపు అలా చేయలేదు. మరియను సమాజంలో అవమానించకుండా రహస్యంగా విడిచి పెట్టాలని నిర్ణయించుకున్నాడు. అప్పుడు..

పరలోకం నుండి దేవునిచే పంపబడిన దూత యోసేపుతో మాట్లాడాడు. ‘‘..యేసుక్రీస్తు తల్లి మరియకు, యోసేపు అనే వ్యక్తికి వివాహం నిశ్చయమై ఉంది. వివాహం కాకముందే పవిత్రాత్మ శక్తి ద్వారా మరియ గర్భవతి అయింది. కాని ఆమె భర్త యోసేపు నీతిమంతుడు. అందువల్ల అతడు ఆమెను నలుగురిలో అవమానపరచదలచుకోలేదు. ఆమెతో రహస్యంగా తెగ తెంపులు చేసుకోవాలని మనస్సులో అనుకొన్నాడు. అతడీ విధంగా అనుకొన్న తర్వాత, దేవదూత అతనికి కలలో కనిపించి, ‘‘యోసేపూ, దావీదు కుమారుడా, మరియ పవిత్రాత్మ ద్వారా గర్భవతి అయింది. కనుక ఆమెను భార్యగా స్వీకరించటానికి భయపడకు. ఆమె ఒక మగ శిశువును ప్రసవిస్తుంది. ఆయన తన ప్రజల్ని వాళ్ళు చేసిన పాపాల నుండి రక్షిస్తాడు. కనుక ఆయనకు ‘యేసు’ అని పేరు పెట్టు’’ అని అన్నాడు. ప్రవక్త ద్వారా ప్రభువు ఈ విధంగా చెప్పాడు: ‘‘కన్యక గర్భవతియై మగ శిశువును ప్రసవిస్తుంది. వాళ్ళాయనను ఇమ్మానుయేలు అని పిలుస్తారు’’ ఇది నిజం కావటానికే ఇలా జరిగింది’’ (మత్తయి 1:18`23).

<h3>దేవుని చిత్తానికి లోబడిన యోసేపు:</h3>

దూత ద్వారా దైవ వర్తమానాన్ని విన్న యోసేపు, దేవుని చిత్తానికి లోబడినాడు. ప్రవక్త ప్రవచించినట్లు ` కన్యక గర్భవతియై మగ శిశువుకు జన్మనిస్తుంద నే ప్రవచనం నెరవేర్పులో భాగంగా.. మరియ గర్భం దాల్చిందని యోసేపు గ్రహించాడు. మరియ, తనను మోసం చేయలేదని, దైవశక్తి వల్ల ఆమె గర్భవతియైదని నిర్ధారణ చేసుకున్నాడు.

మంచి స్నేహితుడై తన ఇంటిలోకి చేర్చుకుని, కంటికి కనుపాపలా చూసుకున్నాడు. కానీ, ఆమె ప్రసవించే వరకు ఆమెతో లైంగికంగా కలువలేదు. ‘‘యోసేపు నిద్రలేచి దేవదూత ఆజ్ఞాపించినట్లు చేసాడు. మరియను తన భార్యగా స్వీకరించి తన ఇంటికి పిలుచుకు వెళ్ళాడు. కాని, ఆమె కుమారుణ్ణి ప్రసవించే వరకు అతడు ఆమెతో కలియలేదు..’’ (మత్తయి 1:24-25).

మరియ గర్భానికి సంబంధించిన సత్యం యోసేపుకు తెలుసు. కాని, తన ఇంటి వారికి, లేఖనాలను బోధించే శాస్త్రులకు, పరిసయ్యులకు, ఆనాటి సభ్య సమాజానికి తెలియదు. అందువల్ల..
ఆనాటి సమాజం ` చెడిపోయిన స్త్రీతో యోసేపు ఎందుకు సంసారం చేస్తున్నాడు? ఆమెను తన ఇంటిలోకి ఎందుకు చేర్చుకున్నాడు? పెళ్ళికి ముందే ఇద్దరు శరీరకంగా కలిసారా అనే మాటలు బహుశ మాట్లాడి ఉండొచ్చు! వాటివల్ల యోసేపు హృదయం ఎంత నలిగిపోయిందో!

దేవుని చిత్తం, ప్రవచన నెరవేర్పు కోసం యోసేపు నిందలు, దూషణలు, అవమానాలను సహించాడు, భరించాడు. ప్రియ పాఠకులారా, పాపులమైన మన కోసం పరిశుద్ధుడైన దేవుడు, మానవునిగా జన్మించి, సిలువలో ప్రాణాన్ని అర్పించాడు. క్రీస్తు ద్వారా రక్షింపబడిన మనం ప్రభువు చిత్తాన్ని గుర్తించామా? మనం ఏం చేయాలో, చేయకూడదో వాక్యంలో తెలియజేసిన దైవ చిత్తాన్ని చదివమా? విన్నామా? పరిశీలించి.. ఆయన చిత్తప్రకారం జీవిస్తున్నామా?

యోసేపు దేవుని చిత్తాన్ని నెరవేర్చడంవల్ల.. 
 1. మరియ, సకల మానవాళి రక్షకుడైన క్రీస్తుకు సుళువుగా జన్మనిచ్చింది. 2. అనేకుల రక్షణకు ద్వారం తెరచుకుంది.

యోసేపు, దేవుని చిత్తాన్ని నెరవేర్చడం వల్ల కలుగబోయే ప్రతిఫలాలను ఆయన చూడలేదు. అయినా.. ఆయన దేవునికి విధేయత చూపాడు. నేడు మనం, దేవుని చిత్త ప్రకారం జీవిస్తే.. ఎందరో క్రీస్తును తెలుసుకోడానికి సుళువవుతుంది. ఇతరుల రక్షణకు మనం అడ్డు బండలుగా ఉన్నామా? స్వపరిశీలన చేసుకోవాలి.

వ్యక్తిగత జీవితాల్లో దేవుడు అనుమతించిన శ్రమలు, నిందలు, అవమనాలు మొదలగు వాటి వెనకున్న దేవుని చిత్తాన్ని చూడడానికి పరిశుద్ధాత్ముడు మన మనో నేత్రాలను తెరచును గాక! శ్రమలు భరిస్తు.. తండ్రియైన దేవుని చిత్తాన్ని నెరవేర్చడం కోసం ప్రభువు సహయం చేయును గాక!

large_walter-chavez-TEFSPAaoKlA-unsplash.jpg

medium_walter-chavez-TEFSPAaoKlA-unsplash.jpg

small_walter-chavez-TEFSPAaoKlA-unsplash.jpg

thumbnail_walter-chavez-TEFSPAaoKlA-unsplash.jpg

walter-chavez-TEFSPAaoKlA-unsplash.jpg

మరియతో ప్రధానం చేయబడిన యోసేపు ప్రతికూల పరిస్థితులను ఎదుర్కొవాల్సి వచ్చింది.

దేవుని చిత్తం నెరవేర్చిన యోసేపు

joseph-fulfilling-gods-will

“యేసు రాజుగా వచ్చుచున్నాడు…”, “రాకడ సమయములో కడబూర శబ్ధముతో…”, “అదే అదే ఆ రోజు యేసయ్య ఉగ్రత రోజు…”, ఇలాంటి పాటలు నేను విని బహుశ 20-25 సంవత్సరాలు అయిఉంటుంది. ప్రభువు రాకడను గూర్చిన పాటలు ఇప్పుడు ఎక్కువగా వినిపించట్లేదు. కారణం ఏంటి? ఈ పాటలు ఎందుకు వినబడట్లేదు?

నేను ఒక సంఘకాపరి కుటుంబములో పెరిగాను. నా చిన్నతనములో (సరిగ్గా 20-25 సంవత్సరాల క్రితం) మా కుటుంబ ప్రార్థన లో ప్రభువు రాకడను గూర్చిన పాటలు పాడేవాళ్ళము. రాకడను గురించి ఆసక్తికరమైన సంభాషణ జరిగేది. “సూర్యుడు నలుపైయ్యే రోజు, చంద్రుడు ఎరుపైయ్యే రోజు, నక్షత్రములు రాలే రోజు, దిక్కులేక అరిచే రోజు…”, అనే పదాలు వింటూఉంటే నా కాళ్లలో వణుకు పుట్టేది. అమ్మో! ప్రభువు తిరిగి రాబోతున్నాడు, తీర్పు దినము ఒకటి ఉన్నది, ఈ లోకం శాశ్వతం కాదు, అనే ప్రాముఖ్యమైన సత్యాలు నా హృదయముపైన ముద్రించబడింది అప్పుడే.

కాని ఈ రోజు సంఘములో ఆ గానం లేదు. వేరే పాటలు వినబడుతున్నాయి. నేటి సంఘము సరైన ఆత్మీయ స్థితిలో లేదని చెప్పడానికి ఇది ఒక సూచన.

థెస్సలొనీక సంఘమును గూర్చి పౌలు ఇచ్చిన సాక్ష్యం ఒక్కసారి వినండి: “మీరు విగ్రహములను విడిచిపెట్టి, …సత్యవంతుడగు దేవునికి దాసులగుటకును, …యేసు, పరలోకమునుండి వచ్చునని యెదురు చూచుటకును, …దేవుని వైపునకు తిరిగారు…” (1 థెస్స 1:9,10).

సంఘము ప్రభువు కొరకు ఎదురు చూడడం బహు కీలకమైన అంశం. లోకమును విడచిపెట్టి దేవుని వైపునకు తిరిగిన వాళ్ళు యేసు పరలోకమునుండి వచ్చునని ఎదురు చూస్తారు. ‘ఎదురు చూచుట’ అనేది హృదయములోనుండి పుడుతుంది. దేన్ని ఎక్కువగా ఇష్టపడతామో దానికొరకు ఆశతో ఎదురు చూస్తాము. నామకార్ధ క్రైస్తవులైతే భూసంబంధమైన వాటి కొరకు ఎదురు చూస్తారు. కాని నిజమైన విశ్వాసులు సహితం ఈ ఊబిలోనికి ఈడ్చబడుతున్నారు.

స్వస్థతలు, డబ్బులు, ఘనతలు, శరీరసంబంధమైన ఇతర ఆశలు హృదయాలను ఏలుతున్నాయి. క్రిస్మస్ లాంటి వేడుకలుకు ఇచ్చే ప్రాధాన్యత మితిమీరుతుంది. ఉజ్జీవాల కొరకు ఎదురు చూసేవాళ్ళు కొందరైతే, ఆత్మ కొరకు ఎదురు చూడాలని చెప్పేవారు కొందరు. మన దృష్టంతా ఇలాంటి వాటి మీదికి మళ్ళించబడుతుంది కాబట్టి ప్రభువు రాకడ పైన ఉండవల్సిన ఆశ బలహీనమైపోతోంది. ఇది ఎంతో ప్రమాదకరము.

"మీరు క్రీస్తుతోకూడ లేపబడినవారైతే పైనున్న వాటినే వెదకుడి, అక్కడ క్రీస్తు దేవుని కుడిపార్శ్వమున కూర్చుండియున్నాడు. పైనున్న వాటిమీదనేగాని, భూసంబంధమైనవాటిమీద మనస్సు పెట్టుకొనకుడి; ఏలయనగా మీరు మృతిపొందితిరి, మీ జీవము క్రీస్తుతోకూడ దేవునియందు దాచబడియున్నది. మనకు జీవమై యున్న క్రీస్తు ప్రత్యక్షమైనప్పుడు మీరును ఆయనతోకూడ మహిమయందు ప్రత్యక్షపరచబడుదురు" (కొలస్సీ 3:1-4), అని దేవుని వాక్యం మనలను హెచ్చరిస్తోంది.

ప్రియ చదువరి, నీవు యేసు క్రీస్తు ప్రభువు కొరకు ఎదురు చూస్తున్నావా?

ఎవరికి ఇష్టమున్న లేకున్న ఎవరు నమ్మిన నమ్మకపోయిన యేసు క్రీస్తు ప్రభువుగా తిరిగి రాబోతున్నాడు. 
ఆత్మయు పెండ్లి కుమార్తెయు రమ్ము అని చెప్పుచున్నారు; వినువాడును రమ్ము అని చెప్పవలెను. (ప్రకటన 22:17). 
మారనాత!

large_pexels-rafael-cerqueira-4737484.jpg

medium_pexels-rafael-cerqueira-4737484.jpg

small_pexels-rafael-cerqueira-4737484.jpg

thumbnail_pexels-rafael-cerqueira-4737484.jpg

pexels-rafael-cerqueira-4737484.jpg

ప్రస్తుత కాలపు సంఘము సరైన ఆత్మీయ స్థితిలో లేదని చెప్పడానికి ఇది ఒక సూచనే కదా. 

ప్రభువు కొరకు ఎదురు చూస్తున్నావా?

waiting-for-christ-return

ప్రతి విశ్వాసి సువార్తను ప్రకటించాలి. “నీ ద్వారా ఎవరూ రక్షింపబడట్లేదు అంటే బహుశ నీవే రక్షింపబడలేదేమో” అని అన్నాడు ఒక దైవజనుడు. అవును, యేసు క్రీస్తును కనుగొన్నవాడు ఇంకొకరికి ఆయనను పరిచయం చేయకుండా ఉండలేడు. ఈ పని మనం విరివిగా చేయాలని ప్రభువు మనలను పిలుస్తున్నాడు. ప్రియ చదువరి, నీవు యేసును ప్రకటించట్లేదా? సువార్తీకరణ సరిగా జరగట్లేదా? అయితే ప్రభువు వేస్తున్న మూడు ప్రశ్నలివి:

<h3>ఉప్పు నిస్సారమైతే ఎలా?</h3>

ఈ లోకంలో మనము ఉప్పు వలె ఉన్నాము. ఉప్పు, కూరంతటికి మంచి రుచిని ఇస్తుంది. ఉప్పు లేకపోతే రుచి ఉండదు. అలాగే దేవుని రుచి తెలియని స్థితిలో ఈ లోకం ఉంది. అన్నీ ఉన్నా ఉప్పు లేని కూర తెచ్చి పెడితే రుచే లేదని నీవన్నట్టు, దేవుడిచ్చే గాలి నీరు అన్నీ అనుభవిస్తున్నా, దేవుడే లేడంటారు వీళ్ళు! అందుకే, దేవుని సారము (దేవుని రుచి) ఇవ్వడానికి దేవుడు మనలను ఉప్పు వేసినట్టుగా ఈ లోకంలో వేసాడు. మనము మన మాటలో, ప్రవర్తనలో యేసు క్రీస్తును చాటుతూ దేవుని రుచిని పంచాలి.
 
అయితే ఆలోచించు, రుచిని ఇవ్వాల్సిన ఉప్పే రుచిని ఇవ్వకపోతే? వేరే ఏ పదార్థమైనా ఆ రుచిని తీసుకురాగలదా? అసాధ్యం! కూరలో ఉప్పు లేదని పసుపు, కారం, నూనె, నీళ్ళు, ఏది చల్లినా రుచి రాదు. ప్రభువు అదే ప్రశ్నిస్తున్నాడు. ఉప్పు నిస్సారమైతే, దేని వలన సారం కలుగుతుంది? (మత్త 5:13). ‘వ్యర్థుడా’ అని అనకూడని నీవే ఆ చెడు మాట పలికితే? మోహపు చూపు చూడకూడని నీవే చెడు చూపు చూస్తే? శత్రువును ప్రేమించాల్సిన నీవే ద్వేషిస్తే? క్రీస్తును ప్రకటించాల్సిన నీవే వేరే ముచ్చట్లకు తిరిగితే? ఈ ఉప్పే నిస్సారమైపోతే, ఇంక దేవుని రుచి ఈ లోకంలో కలిగే అవకాశం ఉందా?
 
అలాంటి ఉప్పు దేనికీ పనికిరాదని దాన్ని బయట పడవేస్తారు (మత్త 5:13). క్రీస్తుకు సాక్షిగా నీవు జీవించలేకపోతే, దేవుని రుచి ఈ లోకంలో ఉండకుండా అవ్వడం మాత్రమే కాదు, నీవు దేనికీ పనికిరాని వానిగా ఉంటున్నావు.

<h3>దీపం కుంచము క్రింద పెడితే ఎలా?</h3>

సువార్తీకరణకు పిలుపునిస్తూ ప్రభువు వేస్తున్న రెండవ ప్రశ్న ఇది. ఈ లోకం చిక్కని చీకటిలో మునిగిపోయింది (నిర్గమ 10:21). దేవుని జ్ఞానం లేక మనుష్యులు గాఢాంధకారంలో తడవులాడుతున్నారు. క్రీస్తు మహిమను చూడలేని పరిస్థితి వీరిది (2 కొరింథీ 4:4). ముసుకు వారి హృదయముల మీద ఉంది గాని ‘వారి హృదయం ప్రభువు వైపుకు ఎప్పుడు తిరుగునో అప్పుడు ముసుకు తీసివేయబడును’ (2 కొరింథీ 3:16). అందుకే దేవుడు మనలను యేసు క్రీస్తు ద్వారా వెలిగించి, ఈ లోకంలో వెలుగుగా ఉంచాడు (ఎఫెసీ 5:8). జీవవాక్యము చేతపట్టుకొని జ్యోతులవలె కనబడుతున్నాము (ఫిలిప్పీ 2:16).
 
అయితే ఆలోచించు, వెలిగింపబడ్డ నీవు ఆ వెలుగును దాచుకుంటే? కొంత వెలుతురైనా బయటకు రాకుండ దాన్ని పూర్తిగా కప్పిపెడితే? చీకటిని పోగొట్టగలమా?

ప్రభువు అదే ప్రశ్నిస్తున్నాడు. దీపం వెలిగించి కుంచము (గంప) క్రింద పెడతామా? (మత్త 5:15). ఉపయోగం ఉంటుందా? అది బుద్ధిహీనత కదా? దీపాన్ని కప్పిపెట్టకూడదు. అది అందరికి వెలుతురునివ్వాలి. క్రీస్తును కనుపరచాల్సిన నీవే ఎవరికి కనబడకుండా ఉంటే? క్రీస్తును గూర్చి మాట్లాడవలసిన నీవే మూగబోతే? ఈ దీపమే దాని వెలుగు దాచుకుంటే, ఇంక ఈ లోకంలో దేవుని వెలుగు కలిగే అవకాశముందా?
 
నీవు ఈ లోకంలో వెలుగుగా ఉంచబడ్డావనే గ్రహింపు నీకు రావాలి. అయ్యో నేను ఈ వెలుగును దాచకుండా కొంతైనా పంచాలి కదా అనే ఆసక్తి ప్రభువు నీకు కలిగించును గాక!

<h3>కొండ మీదనుండు పట్టణము మరుగైయుండగలదా?</h3>

ప్రభువు వేస్తున్న మూడవ ప్రశ్న ఇది. కొండ మీద ఉన్న పట్టణము అందరికి కనిపించేలా ఉంటుంది. అలాగే దేవుడు మనలను యేసు రక్తంలో కడిగి, క్రీస్తు ద్వారా మనలను మలచి, క్రొత్తగా తయారుచేసి, కొండ మీద నిలబెట్టినట్టుగా నిలబెట్టాడు. దాన్ని గోప్యంగా ఉంచగలమా? అది మరుగైయుండనేరదని ప్రభువు అంటున్నాడు (మత్త 5:14). కొండ మీద ఉండే పట్టణమును మరుగుపరచలేము. కొండ లోయలా అయిపోదు, లేదా అడవి పెరిగి కొండను ముంచలేదు. ఆ పట్టణం అందరికి కనిపించేదిగా ఉంటుంది.
 
ఈ మాటలన్నీ చెప్పి ప్రభువు వారితో, కాబట్టి ‘మీ వెలుగును ప్రకాశింపనీయుడి’ అని ఆజ్ఞాపించాడు (మత్త 5:16). ‘దీని గూర్చి ప్రార్థించండి, లేదా దీన్ని గమనించండి’ అని సలహా ఇవ్వలేదు. ‘మీ వెలుగును ప్రకాశింపనీయుడి’ అని ఆజ్ఞాపించాడాయన. ఈ రోజు నీవు, నేను ఇదే ఆజ్ఞకు లోబడుతూ సమయమందు-అసమయమందు, అందరి యెదుట మన వెలుగును ప్రకాశంపనివ్వాలి. తత్ఫలితంగా వారు పరలోకమందున్న మన తండ్రిని మహిమపరుస్తారు (మత్త 5:16). వారు నిజంగా ఆయనను మహిమపరిచారు అంటే రక్షింపబడ్డారని అర్థం. క్రీస్తు వెలుగు ప్రకాశింపబడడం ద్వారా కలిగే ఫలం ‘దేవుని మహిమ.’
 
నీ సహోదరుడు దేవున్ని మహిమపరచాలనే ఆశ నీలో ఉందా? నీ బంధువులు దేవున్ని మహిమపరచాలనే ఆశ నీలో ఉందా? నీ స్నేహితులు, ఇరుగు పొరుగు వారు దేవున్ని మహిమపరచాలనే ఆశ నీలో ఉందా? అయితే వారియెదుట నీ వెలుగు ప్రకాశించనియ్యాలి. ఆలోచించు, ఉప్పు నిస్సారమైపోతే ఎలా?

large_le-first-article.jpg

medium_le-first-article.jpg

small_le-first-article.jpg

thumbnail_le-first-article.jpg

le-first-article.jpg

మనం సువార్తను ప్రకటించాలి అని పిలుపునిస్తూ ప్రభువు వేస్తున్న మూడు ప్రశ్నలు.

ఉప్పు నిస్సారమైపోతే?

salt-and-saltiness

మన ప్రభువైన యేసు క్రీస్తు యొక్క మహిమను ధ్యానించడం నీకు అలవాటు అయిపోవాలి. అది నీవు తరచుగ చేసే పని అవ్వాలి. ఎందుకంటే, నీ విశ్వాసానికి, ప్రేమకు, ఆనందానికి మరియు ఆరాధనకు మూలం అదే. యేసు క్రీస్తు యొక్క మహిమను దేవుడు లేఖనాల్లో మన కొరకు భద్రపరచి, దాన్ని మనం ధ్యానించాలి అని సూచించాడు. ఈ శీర్షికలో, క్రీస్తు మహిమను ధ్యానించడం మన దిన దిన జీవితాన్ని ఎలా ప్రభావితం చేస్తుందో చూద్దాం.
 
శోధనలు, శ్రమలు, దుఃఖములు, అపాయములు, భయములు, వ్యాధులు, మొదలగునవి మన జీవితాన్ని ఆక్రమించుకునే భాగము ఇంతా అంతా కాదు. కొందరు ప్రతిదినము లేమి మరియు పేదరికంతో యాతనపడుతుంటే, మరికొందరికి వ్యాధి బాధలు లేని గంటలు కొన్నే. క్రైస్తవులకైనా, క్రైస్తవేతరులకైనా, మనిషి జీవితంలోని ఈ కష్టాలు భారంగానే ఉంటాయి.
 
అపోస్తలుడైన పౌలు కూడ ఇలాంటి పరిస్థితుల్లోనే ఉంటూ చెప్పిన మాటలు ఒక్క సారి మనం జ్ఞాపకం చేసుకోవాలి. ఆయన ఇలా అన్నాడు:

“ఎటుబోయినను శ్రమపడుచన్నను ఇరికింపబడినవారము కాము; అపాయములో ఉన్నను కేవలము ఉపాయము లేనివారము కాము; తరుమబడుచున్నను దిక్కులేనివారము కాము; పడద్రోయబడినను నశించువారము కాము.” ఎల్లప్పుడు బాధింపబడుచున్నాము, అయితే “మేము అధైర్యపడము; మా బాహ్యపురుషుడు కృశించుచున్నను, ఆంతర్య పురుషుడు దినదినము నూతనపరచబడుచున్నాడు. మేము దృశ్యమైనవాటిని చూడక అదృశ్యమైనవాటినే నిదానించి చూచుచున్నాము ‘గనుక’ క్షణమాత్రముండు మా చులకని శ్రమ మా కొరకు అంతకంతకు ఎక్కువగా నిత్యమైన మహిమ భారమును కలుగజేయుచున్నది. ఏలయనగా దృశ్యమైనవి అనిత్యములు, అదృశ్యమైనవి నిత్యములు.” (2 కొరింథీ 4:7-18).

ప్రియ చదువరి, ఆయనేమంటుంన్నాడో గ్రహించావా?

కనిపించని నిత్యమైన ఆత్మీయ సంగతులను విశ్వాసపు నేత్రాలతో మనము చూడగలిగితే, ఈ లోకపు శ్రమలు కనుమరుగవుతాయి. మనం పైనున్న వాటిపైనే దృష్టి ఉంచితే ఈ శ్రమల భారము తేలికవుతుంది. మన ఆత్మలు వాటి క్రింద నలిగిపోకుండా కాపాడబడతాయి.

అయితే, ఆ నిత్యమైన ఆత్మీయ సంగతుల్లో ప్రధానమైనది క్రీస్తు మహిమయే. ఆ క్రీస్తు మహిమే అన్నీటి సమకూర్పు. ఎందుకంటే, యేసు క్రీస్తులో దేవుని మహిమ ప్రకాశించబడుతుంది. ఈ మహిమను అన్ని సమయాల్లో ధ్యానించగలిగేవాడు ప్రస్తుత కాలపు దుష్ట ఆందోళనలను అధిగమించగలుగుతాడు.

విచారకరమైన సంగతేంటంటే, మనుష్యులు తాము కష్ట సమయాల్లో ఉన్నప్పుడు తాత్కాలికమైన ఆదరణలవెంట పరుగిడుతుంటారు. కాని మన వ్యాధులన్నీటికి మందు ఇదొక్కటే. శ్రమ, దుఃఖము, వేదన, భయము ఏదైన మనము క్రీస్తు మహిమను నిదానించి చూచి, ధ్యానించగలిగితే, గొప్ప ఆదరణ, బలము మనకు చేకూరుతుంది. అయితే, “దుష్టులు తమ శ్రమలలో ‘కదులుచున్న సముద్రమును’ పోలి ఉంటారు. దానికి నెమ్మది ఉండదు” (యెషయా 57:20). కొందరైతే గుండె చెదరి కృంగిపోతారు. మనలో బలమైనవారు సహితం, ఇలాంటి శ్రమలు అనుకోని రీతిలో వచ్చినా లేదా ఎక్కువ కాలం బాధించినా, తప్పకుండ నీరసించి కూలిపోతారు. అలాంటి వారు ఈ బలమైన దుర్గమును ఆశ్రయించాలి. క్రీస్తు మహిమను నిదానించి చూడడంలో వారి ప్రాణాలకు విశ్రాంతి దొరుకుతుంది.

క్రీస్తు మహిమను మనము ధ్యానిస్తున్నప్పుడు, మనకు కలిగే శ్రమ బాధలు ఎంత స్వల్పమైనవో తేటపడుతాయి. ఎందుకంటే, ఈ శ్రమలన్నీ “అస్ధిరమైనవాటికి ఎక్కువ ప్రాధాన్యత ఇవ్వడం” అనే వేరులోనుండి పెరుగుతాయి. ఈ లోకంలో ఉన్నవన్నీ నశించిపోయేవని, మన శరీరాన్ని మాత్రమే చేరగలవని, అత్యంత నష్టం కలిగించే శ్రమ కూడ నిజమైన శ్రమ కలుగజేయలేదని మనము గ్రహించాలి. సాటిలేని శ్రేష్టత కలిగినవి, వాటికంటే ఎంతో ఉన్నతమైనవి మనకొరకు నిశ్చయముగా ఉన్నాయనే ఖచ్చితమైన నిర్ణయంలోకి మనం రావాలి. లేనట్లయితే ఈ లోకపు భయ-దుఃఖములలో కూరుకుపోతాము. 

ఒక్కసారి క్రీస్తు మహిమా దృశ్యము కళ్లార వీక్షించగలిగితే మనకు వీటినండి సంపూర్ణ విడుదల కలుగుతుంది. ఆ మహిమను గూర్చిన జ్ఞానము మనకుంటే, ఆ ఆలోచనలతో మన మనస్సులు నింపబడితే, ఆ మహిమ మనలను ఊరడిస్తున్నట్లయితే, ఇంక ఈ వ్యాధి, బాధలు, దుఃఖము, భయము, అపాయము, మరణము, మొదలగునవి మనలను ఏమైన అననివ్వండి, వాటిని అధిగమించడానికి మనము సిద్ధంగ ఉన్నవారమౌతాము.

‘క్రీస్తు మహిమను ధ్యానించడం‘ అనే ఈ మార్గము విశ్వాసుల మనస్సులను హృదయాలను ఈ లోక శ్రమలనుండి పైకెత్తి, సర్వరోగనివారిని వలె వారిలో ఉన్న విషమంతటిని తొలగిస్తుంది. లేనియెడల ఆ విషము వారిని కృంగదీస్తుంది. క్రీస్తు మహిమను ధ్యానించడం ద్వార పరిశుద్ధాత్ముడు మనకు దేవుని ప్రేమను గ్రహింపజేసి మనలను “చెప్పనశక్యమును మహిమాయుక్తమైన సంతోషముతో” ఆనందింపజేస్తాడు.

ఆయన మహిమను తీక్షణంగ తలపోయడమే అన్ని సమయాల్లో (మరణంలో సహితం) మనలను సంతోషభరితుల్ని చేస్తుంది.

large_jeremy-thomas-O6N9RV2rzX8-unsplash.jpg

medium_jeremy-thomas-O6N9RV2rzX8-unsplash.jpg

small_jeremy-thomas-O6N9RV2rzX8-unsplash.jpg

thumbnail_jeremy-thomas-O6N9RV2rzX8-unsplash.jpg

jeremy-thomas-O6N9RV2rzX8-unsplash.jpg

క్రీస్తు యొక్క మహిమను ధ్యానించడమే నీ విశ్వాసానికి, ఆనందానికి మరియు ఆరాధనకు మూలం.

క్రీస్తు మహిమను ధ్యానించుట

contemplating-christ

మనలను బాధించే శ్రమ ఎటువంటిదైనా, దేవుడు మన జీవితాల్లో వాటిని అనుమతించడానికి గల కారణం ఒక్కటే. ‘వాటి ద్వారా మనలో ఈ లోకం మీద ద్వేషాన్ని మరియు రాబోయే జీవితం పైన ఆశను దేవుడు కలిగిస్తాడు’. శ్రమల ద్వారా ఇలాంటి శిక్షణ మనలో జరుగుతుంది.

<h3>మన హృదయ స్థితి</h3>

మన హృదయాలు ఈ లోకం వైపుకు ఎంత బలంగా త్రిప్పబడి ఉన్నవో దేవునికి బాగా తెలుసు. కాబట్టి, మనం ఈ లోకానికి అతుక్కుపోకుండా ఉండడానికి, అయన తగిన పరిస్థితిని ఉపయోగించి మనలను తన వైపుకు పిలుస్తాడు, తత్ఫలితంగా మన నిద్రమత్తును తొలగిస్తాడు.

వాస్తవానికి, మనలో ప్రతిఒక్కరు పరలోకసంబంధమైన అమరత్వాన్ని ఆశించాలి. అంతేకాదు, తమ జీవితకాలమంతా దానినే లక్ష్యంగా  ఉంచుకొనుటకు ఆలోచన కలిగిఉంటారు. ఎందుకంటే, ఒకవేళ మరణించిన తర్వాత జీవితం అనేదే లేనట్లయితే, జంతువుకి మానవులకు వేత్యాసముండేది కాదు. మరియు, వాటికంటే ప్రత్యేకమైన అతిశయకారణం లేకుండా సిగ్గుపరచబడేవారము. మనిషి యొక్క ఘనత అదే కాబట్టి మనిషి పరలోకపు అమరత్వము పైన దృష్టి ఉంచాలి.

కానీ, మనుషుల క్రియలు, ప్రణాళికలు మరియు కోరికలు గమనిస్తే అందులో భూలోకము తప్ప మరేమి ఉండదు. ఇదీ... మన బుద్ధిహీనత. ధనము, అధికారము, ఘనత అనేవి గొప్ప ప్రకాశంతో మన మనస్సులను కమ్మివేసి దూరదృష్టి లేకుండా చేసాయి. హృదయము కూడా,అత్యాశ, వాంఛ మరియు మోహము అనేవాటిచేత ఆక్రమించబడి జయించలేనంతగా అణగద్రొక్కబడింది. ఒక్క మాటలో చెప్పాలంటే మన ఆత్మంత శరీరేచ్ఛలో చిక్కుకొని ఇహలోకంలో తన ఆనందాన్ని వెతుకుతూ ఉంటుంది.

<h3>దేవుని కార్యము</h3>

ఈ వ్యాధిని నివారించడానికి, ప్రభువు ఇహలోకంలో ఉండే కష్టాలను ఉపయోగించి ప్రస్తుత జీవితం ఎంత వ్యర్థమైందో తన ప్రజలకు రుజువు పరుస్తూ ఉంటాడు.
 ఎలాగంటే శాశ్వతమైన శాంతి ఈ లోకంలోనే దొరుకుతుందేమోనని వారు ఆశించకుండా ఉండటానికి, తరచుగా యుద్ధ దాడులను, దోపిడీలను లేదా విశ్రాంతిలేకుండా చేసే గాయాలను అయన వారికీ అనుమతిస్తాడు.

అలాగే, వాడిపోయే ధనాన్ని ఆసక్తితో ఆశించకుండా లేదా ఇదివరకే ఉన్న ఆస్తులపైన ఆధారపడకుండా చేయడానికి అయన వారిని అసంతృప్తిలో ఉంచుతాడు. పరదేశులుగా చేయడం ద్వారానో లేదా సంతానలేమి ద్వారానో లేదా అగ్ని సంఘటన ద్వారానో ఇలా వివిధ మాధ్యమాల ద్వారా వారు తమ ఆస్తిని అనుభవించకుండా కట్టడిచేస్తాడు.

అంతేకాకుండా, వారి దాంపత్య సంతోషాల్లో వారు మునిగిపోకుండా ఉండటానికి, అయన వారిని తమ భాగస్వామి యొక్క దుష్ప్రవర్తన ద్వారా విసుగుపరుస్తాడు, లేదా కొన్నిసార్లు తమ పిల్లల దుష్టత్వము ద్వారా వారి గర్వాన్ని తగ్గిస్తాడు, లేదా ఎవరినైనా మరణానికి అప్పగించడం ద్వారా అయన వారిని బాధిస్తాడు.

ఒకవేళ వారికి సమృద్ధిని  మరియు సంతోషాన్ని ఇచ్చినా, వారు వృధా అతిశయమతో  ఉప్పొంగిపోకుండా ఉండడానికి, లోకంలో ఉండే వ్యాధులద్వారా లేదా ప్రమాదాలద్వారా, వారికి  ఉన్నవన్నీ నిలకడలేనివని అస్థిరమైనవని అయన వారికి స్పష్టంగా బయలుపరుస్తాడు.

<h3>మన స్పందన</h3>

కాబట్టి, మనం మనము సిలువయొక్క క్రమశిక్షణను (శ్రమల ద్వారా శిక్షణను) సరిగా అర్ధం చేసుకోవడం  ప్రాముఖ్యం. ఎప్పుడైతే ఈ లోకసంబంధమైన జీవితము నెమ్మదిలేనిదని, శ్రమతోకూడినదని, దౌర్భాగ్యమైనదని, ఒక్కమాటలో చెప్పాలంటే ఏవిషయంలోనూ సంతోషకరమైంద కాదని నేర్చుకుంటామో, అప్పుడే సిలువయొక్క క్రమశిక్షణ ద్వారా లాభంపొందగలం. ఏవైతే ఆశీర్వాదాలుగా అంచనా వేసామో వాస్తవానికి అవే నమ్మదగనివని, నిలకడలేనివని, నిశ్ఫలమైనవని మరియు బలహీనపరచేవని తెలుసుకోవాలి.

సారాంశం ఏంటంటే, 1. ఈ లోకంలో మనం చూసేదల్లా పోరాటం మాత్రమే. 2. మనము కిరీటంగూర్చి ఆలోచించి మన కన్నులు పరలోకంవైపు ఎత్తాలి. 3. ఎందుకంటే, మన మనస్సు ఈ లోకాన్ని ద్వేషించలేకపోతే నిత్యజీవితాన్ని ఆశించడం అసాధ్యం. ఈ సత్యాన్ని మనం గట్టిగా పట్టుకోవాలి.

large_nik-shuliahin-BuNWp1bL0nc-unsplash.jpg

medium_nik-shuliahin-BuNWp1bL0nc-unsplash.jpg

small_nik-shuliahin-BuNWp1bL0nc-unsplash.jpg

thumbnail_nik-shuliahin-BuNWp1bL0nc-unsplash.jpg

nik-shuliahin-BuNWp1bL0nc-unsplash.jpg

మనం ఈ లోకానికి అతుక్కుపోకుండా ఉండడానికి, దేవుడు తగిన పరిస్థితులను ఉపయోగిస్తాడు.

శ్రమలను గూర్చి జాన్ కాల్విన్

calvin-on-sufferings

“అమ్మా, మేం విడాకులు తీసుకోవాలనుకుంటుంన్నాం” దిగాలుగా చెప్పింది సునీత.

ఆ మాట విని ఉలిక్కిపడిన వాళ్ళ అమ్మ, గబగబా తనని ప్రక్క గదిలోనికి తీసుకెళ్లి అంతా ఆరాతీసింది. అయితే, తన నిర్ణయంలో మార్పు లేదని బల్ల గుద్దినట్టుగా చెప్పింది సునీత. 
ఎంచేయాలో తెలీక కన్నీరు పెడుతూ, “అలా చేయకూడదమ్మా” అని కూతురును బ్రతిమిలాడటం మొదలుపెట్టింది.

విషయం కాస్త నాన్న వరకూ వెళ్ళింది. నాన్న గారు ఆవేశపూరితుడై “అంత పని చేస్తావా?!” అని గట్టిగా అరిచాడు.

ఈ తతంగమంతా గమనిస్తున్న అనుభవజ్ఞుడైన తాతయ్య గారు నెమ్మదిగా వచ్చి “అమ్మా, మంచి నిర్ణయం తీసుకున్నావు. నచ్చిన వారితోనే ఉండగలం, లేదంటే విడాకులే సరి” అని అన్నాడు. తాతయ్య మాటకు అందరు ఆశ్చర్యపోయారు.

ఈలోగా బుర్రుమని రెండు చక్రాల బండిపైన వచ్చారు పాస్టర్ అంకుల్. “అమ్మా, దైవసేవకునిగా చెబుతున్నాను, అలా చేయడం సబబు కాదు” అన్నాడు.

ఇక, “యువర్ లైఫ్ యువర్ విష్ సునీత, నీకు నచ్చింది చేసేయ్” అని అదేపనిగ స్నేహితుల సలహాలు.
 
ప్రియ విశ్వాసి, పై సంభాషణ గమనించావా? సమస్య విడాకులు కాదు. సమస్య “అధికారం.”

సునీత ఎవరికి లోబడాలి? ఆమెపైన సరైన అధికారి ఎవరు? ఎవరు తనని నడిపించాలి? అమ్మా? నాన్నా? తాతయ్యా? పాస్టర్ గారా? లేక స్నేహితులా? అసలెందుకు వీరి మాట వినాలి? అమ్మ దుఖిస్తూ బ్రతిమిలాడుతున్నందుకా; నాన్న పరువు ప్రతిష్టల కోసం గద్దిస్తున్నందుకా; తాతయ్య అనుభవజ్ఞుడు కాబట్టా; పాస్టర్ అంకుల్ దైవసేవకుడు కాబట్టా; లేక స్నేహితులది కొత్త ట్రెండ్ కాబట్టా? ఎందుకు వీరికి లోబడాలి?

ఫలితంగా, సునీత జీవితంలోని ఒక కీలకమైన నిర్ణయం అలా గాలిలో వ్రేలాడుతుంది.
 
విశ్వాసి యొక్క వ్యక్తిగత విషయాలు అలా ఉంచితే, సంఘము యొక్క స్థితి కూడా దయనీయంగా మారిపోయింది. సంఘములో ఎవరు అధికారి? సంఘాన్ని ఎవరు నడిపించాలి? ఎవరికి నచ్చింది వారు చేసుకుంటూ వెళ్ళిపోవడమేనా? ఉచిత సలహాలకైతే అసలు కొదువేలేదు! నొక్కి వక్కానించేవాళ్ళు కొందరైతే, మెల్లనైన స్వరంతో కొందరు. దాదాగిరులు కొందరైతే, దయారసంతో కొందరు. ఇలా ఎవరికివారు తమదైన శైలిలో సంఘములో తమ తమ స్వంత కార్యకలాపాలు సాగిస్తున్నారు.

ఎవరి మాట నెగ్గాలి? సంఘం ఎవరికి లోబడాలి? ఎవరు అధికారి?

<h3>లేఖనం మాత్రమే</h3>

బైబిలే మన ప్రధానమైన అధికారి. అది వ్యక్తిగత వ్యవహారమైనా, సంఘ విషయమైనా, బైబిల్ చెప్పిందే నడవాలి. విశ్వాసినైనా, సంఘాన్నైనా వాక్యమే నడిపించాలి. ఎందుకంటే, బైబిల్ దేవుని మాట. దాంట్లో యేసు క్రీస్తు ప్రభువు చేసిన సూచనలు ఉంటాయి. పరిశుద్ధాత్ముని దివ్యమైన పలుకులు ఉంటాయి. మనుష్యుని మాటలు ఉండవు. దాంట్లో మనిషి ప్రమేయమేమి లేదు. “ప్రవచనము ఎప్పుడును మనుష్యుని ఇచ్ఛనుబట్టి కలుగలేదు గాని మనుష్యులు పరిశుద్ధాత్మవలన ప్రేరేపింప బడినవారై దేవుని మూలముగ పలికిరి” (2 పేతురు 2:21). మనకు కావలిసినవన్నీ దేవుడు తన పరిశుద్ధ గ్రంథంలో లిఖింపజేసాడు. మన జీవితానికి, సంఘ క్షేమానికి సరిపడ మాటలన్నీ మన కొరకు బైబిల్ లో భద్రపరిచాడు. బైబిల్ పూర్తిగ దేవుడు వ్రాసిన గ్రంథం.

<h3>లేఖనంలో పొరపాట్లు ఉండవు</h3>

దేవుడు వ్రాస్తే ఏంటి…? అదే బైబిల్ యొక్క ఘనత. దేవుడు వ్రాస్తే దాంట్లో పొరపాట్లు ఉండవు. “దొంగిల్లకూడదు” అని దేవుని వాక్యం చెప్తే, ఏ కాలమైనా, ఏ ప్రాంతమైనా, ఏ పరిస్థితైనా అది సరిగ్గా వర్థిస్తుంది. మనుష్యుల అభిప్రాయాలు, ఆలోచనలు, సలహాలు కాలానుగుణంగా మారుతాయి. మనిషి పొరపాటు చేయడం సహజం. కాని దేవుని మాట శాశ్వత కాలము సత్యమే. “యెహోవా మాటలు పవిత్రమైనవి అవి మట్టిమూసలో ఏడు మారులు కరగి ఊదిన వెండి యంత పవిత్రములు” (కీర్తనలు 12:6). ఆయన వాక్యమే సత్యము (యోహాను 17:17), గనుక ఆయన వాక్యమే మనకు సరైన అధికారి. ప్రతికూలమైనా అనుకూలమైనా, దేవుని వాక్యానికే ప్రాధాన్యత ఇవ్వడం మనకు మేలు.

ఈ రెండింటిని నీవు గ్రహించడం చాలా కీలకం: 1. బైబిల్ దేవుని వాక్యం గనుక పొరపాట్లు ఉండవు. 2. పొరపాట్లు ఉండవు కాబట్టి అదే మనలను సరిగ్గా నడిపిస్తుంది. అదొక్కటే పొరపాట్లు చేయలేని అధికారి. తల్లి, తండ్రి, తాతయ్య, పాస్టర్ గారు, స్నేహితులు..., వారి స్థానం వారికి ఉంది. వారిని దేవుడే మనకిచ్చాడు. కాని బైబిల్ తరువాతే ఎవరైనా. సంఘము నిర్వీర్యం అవ్వడానికి కారణం వాక్య లేమి అని తెలుసుకున్న దైవ సేవకులు “లేఖనం మాత్రమే” అంటూ దేవుని వాక్యాన్ని ప్రకటించడం మొదలుపెట్టారు. కాబట్టే, ఈ రోజు సంఘం ఇలా నిలబడగలిగింది. మల్లీ వాక్యాన్ని వదిలి వ్యర్ధమైన వాటివైపుకు మనం తిరుగకూడదు.

ప్రియ చదువరి! దేవుని వాక్యానికి నీవిస్తున్న విలువ ఎంత? నీ జీవితాన్ని పూర్తిగా వాక్యానికి అప్పగించడం అత్యవసరం. నీ వస్త్రధారణ, నీ మాటతీరు, నీ అలవాట్లు, నీ ప్రవర్తన, నీ జీవిత ఆశయాలు అన్నీ వాక్యానుసారంగా మారడం శ్రేయస్కరం. బైబిల్ నీకు చేసే మేలు ఈ భూమి మీద మరేది చేయలేదనడంలో సందేహం లేదు.

జాగ్రత్త! బెదిరింపుకో, బుజ్జగింపుకో తలవంచకు. అనుభవజ్ఞునికో, ఆతురతకో మొగ్గుచూపకు.

బైబిల్ చేతపట్టు! నీ జీవితానికి సరైన దిక్సూచి అదే.

large_joel-muniz-XqXJJhK-c08-unsplash (1).jpg

medium_joel-muniz-XqXJJhK-c08-unsplash (1).jpg

small_joel-muniz-XqXJJhK-c08-unsplash (1).jpg

thumbnail_joel-muniz-XqXJJhK-c08-unsplash (1).jpg

joel-muniz-XqXJJhK-c08-unsplash (1).jpg

దేవుని వాక్యంలో పొరపాట్లు ఉండవు కాబట్టి బైబిలే మనలను సరిగ్గా నడిపించ గలుగుతుంది.

ఎవరు అధికారి?

who-is-the-authority

క్రొత్తనిబంధన విశ్వాసులకు ఉన్నంత స్పష్టత పునరుత్థానము గురించి పాతనిబంధన విశ్వాసులకు లేదనే చెప్పాలి. ఈ యుగము ఎలా అంతమవబోతుందో, చనిపోయిన తరువాత మనిషి ఏమవుతాడో మొదలైన వాటిని గురించిన జ్ఞానం ముందునుండి ఉన్నప్పటికి, దాని స్పష్టత క్రమంగా పెరుగుతూ వచ్చింది. యేసు ప్రభువు ఈ లోకానికి వచ్చి మరణించి తిరిగి లేచుట ద్వారా అది మరింత స్థిరపరచబడింది.

పాతనిబంధనలో పునరుత్థానమును సూచించే కొన్ని లేఖనభాగాలు.

<h3>కీర్తనలు:</h3>

కీర్తనల్లో 16, 17, 49, 73 ముఖ్యమైనవి. 16వ కీర్తన 10-11 వచనాల్లో, “యేహోవా… నీవు నా ఆత్మను పాతాళములో విడచిపెట్టవు, నీ పరిశుద్ధుని కుళ్లుపట్టనియ్యవు,” అని కీర్తనకారుడు తన ధైర్యాన్ని తెలియజేసాడు. ఈ వచనాన్ని వివరించే అనేకులు ‘దేవుడు తనను మరణానికి అప్పగించడు, చనిపోనివ్వడు’ అంటున్నాడని అంతవరకే దీని అర్థాన్ని పరిమితం చేసారు. కాని వాస్తవానికి అతడు పునరుత్థానము గురించి మాట్లాడుతున్నాడు. అందుకే పేతురు క్రీస్తు యొక్క పునరుత్థానాన్ని ప్రకటిస్తున్నప్పుడు ఈ వాక్యభాగాన్ని ఎంచుకున్నాడు. ఈ వచనాల్లో కేవలం మరణం తప్పించబడుట మాత్రమే కాకుండ మరణంపై దేవుని విజయాన్ని తలపోస్తున్నాడు.

17వ కీర్తనలో కీర్తనకారుడు దుష్టుల భవిష్యత్తుకు, విశ్వాసుల భవిష్యత్తుకు మధ్య ఉన్న తేడాను వివరిస్తాడు. ఈ క్రమంలో తనను గూర్చి తాను ధైర్యంగా, “నేనైతే నీతిగలవాడనై నీ ముఖదర్శనము చేసెదను నేను మేల్కొనునప్పుడు నీ స్వరూపదర్శనముతో నా ఆశను తీర్చుకొందును” అని అంటాడు. పాతనిబంధన పరిధిలో ఈ మాటలు ఎంతో ప్రత్యేకంగా ఉన్నాయి కాబట్టి ఇక్కడ కూడ పునరుత్థానం యొక్క ప్రస్థావన ఉంది అని, మరి ముఖ్యంగ, “నేను మేల్కొనునప్పుడు” అంటున్నాడు కాబట్టి పునరుత్థానాన్ని గురించే మాట్లాడుతున్నాడని మనము నిస్సందేహంగ చెప్పవచ్చు.

49 కీర్తనలో కూడా దుష్టుల మరియు విశ్వాసుల భవిష్యత్తును గురించి మాట్లాడుతున్నాడు. కీర్తనకారుడు తనను గూర్చి తాను, “పాతాళ బలములోనుండి ఆయన నా ప్రాణమును విమోచించును” అని చెబుతూ “దేవుడు నన్ను చేర్చుకొనును” అని అంటాడు. ఈ మాటల్లో కేవలం పాతాళము (మరణము) నుండి తప్పించడం మాత్రమే కాకుండ మరియెక్కువ మేలు దేవుడు చేయబోతున్నాడు అనే అర్థం ఉంది.

73వ కీర్తన 23,24 వచనాల్లో భక్తుడు ఇలా అన్నాడు: “అయినను నేను ఎల్లప్పుడు నీ యొద్దనున్నాను నా కుడిచెయ్యి నీవు పట్టుకొని యున్నావు. నీ ఆలోచనచేత నన్ను నడిపించెదవు, తరువాత మహిమలో నీవు నన్ను చేర్చుకొందువు.” ‘మహిమ’ అంటున్నప్పుడు రచయితకు ఎంత అవగాహన ఉందో చెప్పలేము గాని రాబోయే దాన్ని గొప్ప ఆశీర్వాదంగా పరిగనిస్తున్నాడని చెప్పవచ్చు. 25,26 వచనాల్లో మరింత స్పష్టంగా, “ఆకాశమందు నీవు తప్ప నాకెవరున్నారు? నీవు నాకుండగా లోకములోనిది ఏదియు నా కక్కర లేదు. నా శరీరము నా హృదయము క్షీణించిపోయినను (క్షీణించిపోయినప్పుడు) దేవుడు నిత్యము నా హృదయమునకు ఆశ్రయ దుర్గమును స్వాస్థ్యమునైయున్నాడు,” అని అన్నాడు. యేహోవా యొద్ద ఎల్లప్పుడు ఉండి, ఆయనతో సహవాసంలో ఎదుగుతున్నాడు గనుక ఈ బంధము శాశ్వతంగా భద్రపరచబడుతుందని నిశ్చయతతో ఉన్నాడు.

<h3>పంచగ్రంథాలు (Pentateuch):</h3>

పంచగ్రంథాల్లో (ఆదికాండము-ద్వితీయోపదేశకాండము) నుండి ఒక మాట మీకు జ్ఞాపకం చేయాలి. ఆదికాండం 5:24 లో హనోకు గురించి వ్రాయబడింది. ఈ వాక్యభాగంలో అందరిని గూర్చి అంటున్నట్టు “అతడు మృతిబొందెను” అనే మాట హనోకు విషయంలో వాడలేదు. “అతడు లేకపోయెను” అని చెప్పబడింది. అంటే అతడు ఇంక కనిపించలేదు. అతడు దేవుని చెంతకు చేర్చబడ్డాడు. “దేవుడతని తీసికొనిపోయెను” అనే మాటలు, దేవునితో అతనికి దొరికిన నూతన దగ్గరి సాన్నిహిత్యాన్ని సూచిస్తున్నాయి. ఇక్కడ కూడ కీర్తనలలో ఉన్నట్టే దేవుడతని ఎక్కడికి తీసికొనిపోయాడో వ్రాయలేదు. ఈ సంఘటనను ఏలియాతో పోల్చితే, ఏలియా “పరలోకమునకు ఆరోహణమాయెను” అనే మాట ఉంటుంది.

ఏదేమైనప్పటికి, ఈ వాక్యభాగంలో పునరుత్థాన జ్ఞానము యొక్క మూలాలు చూడవచ్చు. హనోకునకు, ఏలియాకు జరిగినట్టే మనకు కూడ జరుగుతుందని ఎవ్వరూ అనుకొనియుండరు గాని చనిపోయిన తరువాత విశ్వాసికి ఏం జరుగబోతుందో ఇక్కడ బీజరూపంలో వారికి చూపించబడింది.

పంచగ్రంథాల్లో మరొక వాక్యభాగం బిలామును గూర్చినది. సంఖ్యాకాండము 23:10 లో బిలాము, “నీతిమంతుల మరణమువంటి మరణము నాకు లభించును గాక. నా అంత్యదశ వారి అంతమువంటిదగును గాక అనెను.” ఈ లేఖనాలలో బిలాము ఇశ్రాయేలు యొక్క చివరి దశ (ముగింపు) ఎలా ఉండబోతుందో ప్రవచిస్తుంటాడు. ఇశ్రాయేలు (యెహోవా వలన నీతిమంతులుగా చేయబడి) నీతినిబట్టి ఉన్నతమైన గమ్యమునకు (ముగింపునకు) చేర్చబడతారని బిలాము ప్రవచిస్తున్నాడు. ఇది ఇశ్రాయేలు దేశమంతటిని గురించి అంటున్నాడా లేదా ఒక్కొక్క ఇశ్రాయేలీయుని గురించి అంటున్నాడా స్పష్టంగ చెప్పలేము. నేనైతే ఒక్కొక్క ఇశ్రాయేలీయుని గురించి అంటున్నాడని అనుకుంటుంన్నాను. ఏదేమైనప్పటికి, మరణానంతరం ఇశ్రాయేలీయునికి (లేదా ఇశ్రాయేలు దేశమంతటికి) సంతోషకరమైన గొప్ప మేలు జరగబోతుంది అనేది అతని ప్రవచనము యొక్క సారాంశం.

<h3>యోబు:</h3>

చివరిగ, యోబు గ్రంథములో ఉన్న 19:25-27 వచనాలు మనం చూడాలి. చాలా క్లిష్టమైన వాక్యభాగము. తెలుగు బైబిల్ ఇలా ఉంది: “నా విమోచకుడు సజీవుడనియు, తరువాత ఆయన భూమిమీద నిలుచుననియు నేనెరుగుదును. ఈలాగు నా చర్మము చీకిపోయిన తరువాత శరీరముతో నేను దేవుని చూచెదను. నామట్టుకు నేనే చూచెదను. మరి ఎవరును కాదు నేనే కన్నులార ఆయనను చూచెదను” అని యోబు అన్నాడు.

ఇక్కడ ‘విమోచకుడు’ బదులు ‘తీర్పరి’ (vindicator) అనే తర్జుమ సరైనది. యోబు స్నేహితులు అతన్ని నిందిస్తున్న సంద్ర్భములో యోబు దేవుని న్యాయమైన తీర్పు కొరకు ఎదురుచూస్తున్నాడు. విమోచన అంటే మూల్యం చెల్లించి విడిపించడం. ఇది సందర్భానికి సరిపోదు.

అలాగే, ‘భూమిమీద’ అనే బదులు ‘ధూళిమీద’ (dust) అనే తర్జుమ అర్థవంతమైనది. ‘ధూళిమీద’ అనే పదము మనకు వెంటనే యోబు యొక్క సమాధిని గుర్తుచేస్తుంది. యోబు మరణించి ధూళిలో ఉన్న అర్థాన్ని ఇస్తుంది. ఇక్కడ సందర్భము అదే. ‘భూమిమీద’ అనే తర్జుమ కూడా మరొక భావన ఇస్తుంది, ‘దేవుని తీర్పు స్థిరమైనది’ అనే భావన. ఈ రెండింటిలో ఏది సరైన పదమో తరువాతి వచనం నిర్ణయించాలి, కాని ఆ వచనం (26వ వచనం) కూడా స్పష్టంగా లేదు.

26వ వచనం ముగింపులో మాత్రం “నేను దేవుని చూచెదను” అనే మాటలు సూటిగా ఉన్నాయి. దేవుడు ఇవ్వబోయే న్యాయమైన తీర్పులో ఒక భాగం ఏటంటే యోబు దేవున్ని కన్నులారా చూడడం. అతనికి దేవున్ని చూసే ధన్యత దొరికితే అప్పుడు తనకు న్యాయం చేకూరిందని భావిస్తున్నాడు. అప్పుడే యోబుకు నెమ్మది. ఆ దర్శనమే తన నీతికి నిజమైన ఫలం. ఈ వచనాల్లో పునరుత్థానము యొక్క ప్రస్థావన తప్పకుండా ఉందేమో గాని పదాల సమకూర్పు స్పష్టంగా లేనందున ఖచ్చితమైన నిర్ధారణ చేయలేము.

ఇవీ, పాతనిబంధన విశ్వాసులు మరణము తరువాత తమ స్థితిని, పునరుత్థానము గురించి మాట్లాడిన కొన్ని ముఖ్యమైన లేఖనాలు. “దేవా, నిత్యత్వాన్ని నా కన్నులపై ముద్రించుము,” అని ప్రార్థన చేసాడు ఒక దైవజనుడు.

{ఈ వ్యాసం Geerhardus Vos గారు రచించిన Old Testament Eschatology అనే పుస్తకములోనుండి సంక్షిప్తపరచబడింది.}

large_mick-haupt-eQ2Z9ay9Wws-unsplash.jpg

medium_mick-haupt-eQ2Z9ay9Wws-unsplash.jpg

small_mick-haupt-eQ2Z9ay9Wws-unsplash.jpg

thumbnail_mick-haupt-eQ2Z9ay9Wws-unsplash.jpg

mick-haupt-eQ2Z9ay9Wws-unsplash.jpg

పాతనిబంధన విశ్వాసులు పునరుత్థానము గురించి మాట్లాడారా? మరణము తరువాత విశ్వాసులకు సంభవింపబోవు వాటిని గురించి వారి నిరీక్షణ ఏంటి?

పాతనిబంధనలో పునరుత్థానం

resurrection-in-old-testament

అసలే నక్క. చాలా నీరసించిపోయి మూలుగుతూ తాడి చెట్టు క్రింద కూర్చుంది. కాసింత నీడ దొరుకుతుందేమో అని అనుకుంటుంటే, టపీ మని తాటికాయ తలమీద పడిందంట.

యోబు ఆస్తిపాస్తులన్నీ కోల్పోయి, పిల్లలందరినీ కోల్పోయి, శరీరమంతా పుండ్లతో తీవ్రంగా దుఃఖపడుతూఉంటే, దేవుడాయన దగ్గరికి వచ్చి, “మకరమును నీవు లాగగలవా?” అని అడిగాడు.

తాటికాయ పడినట్టు ఉంది, కదా?

కానీ, జాగ్రత్తగా ఆలోచిస్తే, అవి బహు ధైర్యాన్ని ఆదరణను కలిగించే మాటలు.

అన్నిటిని నిర్మించినవాడు, అన్నిటిని పరిపాలించేవాడు దేవుడు మాత్రమే అనే రెండు అంశాలు దేవుడు యోబుతో చేసిన సంభాషణలో మనం చూస్తాము.

నీ పరిస్థితి ఏదైన, నీకు ధైర్యము నెమ్మది కలగాలంటే ఈ రెండు అంశాలు నీవు గ్రహించాలి. హైడెల్బర్గ్ ప్రశ్నావళి (Heidelberg Catechism) అదే చెబుతుంది. సంఘ చరిత్రలో ప్రాచుర్యం పొందిన ఈ ప్రశ్నావళిలో మొదటి ప్రశ్న ఇలా ఉంటుంది:

ప్రశ్న: నీ బ్రతుకులో చావులో నీకున్న ఏకైక ధైర్యం (ఆదరణ) ఏంటి? 
జవాబు: నేను నా సొత్తు కాదు. నా శరీరము ఆత్మ, బ్రతుకులోను చావులోను, నా నమ్మదగిన రక్షకుడైన యేసు క్రీస్తుకు చెందుతాయి. ఆయన తన అమూల్యమైన రక్తమును నా కొరకు చిందించి, నా పాపముల నిమిత్తము పరిపూర్ణమైన ప్రాయశ్చిత్తము చేసి, అపవాది యొక్క బలము నుండి విడిపించి, నన్ను ఎంతగా కాపాడుతున్నాడంటే నా పరలోకపు తండ్రి సెలవు లేకుండ నా తలవెంట్రుకలలో ఒక్కటైనను రాలిపోదు. సమస్తము నా రక్షణ కొరకే సమకూడాలి. కాబట్టి ఆయన తన పరిశుద్ధాత్మ ద్వారా నిత్యజీవమును గూర్చిన నిశ్చయత నాకు కలిగిస్తూ నేను హృదయపూర్వకముగ ఆయన కొరకు జీవించునట్లు చేయుచున్నాడు.

ఈ జవాబులో మన ఆదరణ కొరకు అవసరమైన రెండు అంశాలు ఉన్నాయి.

1. మనము మన సొత్తు కాదు. మనము దేవుని చేత నిర్మింపబడి, విమోచింపబడిన ఆయన సొత్తు. నా ఓనర్ ఆయనే. యోబుతో దేవుడు, “నేను చేసిన నీటిగుఱ్ఱమును నీవు చూచియున్నావు గదా,” ‘నిన్ను నిర్మించినట్టే దాన్ని నిర్మించాను. దాని బలము చూడు. నేనే నిర్మానకుడను,’ అని ఆదరణ కలిగించే ఈ సత్యము తెలియజేసాడు. సమస్తానికి ఓనర్ ఆయనే.

2. మనలను మనము పరిపాలించుకోలేము. మన పరిపాలకుడు దేవుడే. “మకరమును నీవు లాగగలవా?” అని దేవుడు యోబును ప్రశ్నిస్తూ, అన్నిటిని నడిపించేది ఆయనే అని తెలియజేసాడు. ఆయన సెలవు లేకుండ ఒక పిచ్చుక కూడ రాలిపడదు. సమస్తాన్ని కంట్రోల్ చేయగలిగేది ఆయనే.

ఈ రెండు అంశాలతో దేవుడు యోబును ధైర్యపరచాడు. అప్పుడు యోబు యెహోవాతో…, “నీవు సమస్తక్రియలను చేయగలవనియు, నీవు ఉద్దేశించినది ఏదియు నిష్ఫలము కానేరదనియు నేనిప్పుడు తెలిసికొంటిని… వివేచనలేనివాడనైన నేను ఏమియు నెరుగక నా బుద్ధికి మించిన సంగతులను గూర్చి మాటలాడితిని… వినికిడిచేత నిన్ను గూర్చిన వార్త నేను వింటిని అయితే ఇప్పుడు నేను కన్నులార నిన్ను చూచుచున్నాను. కావున నన్ను నేను అసహ్యించుకొని, ధూళిలోను బూడిదెలోను పడి పశ్చాత్తాపపడుచున్నాను,” అంటూ పశ్చాత్తాపపడి ఆదరణ పొందుకున్నాడు.

మన పితరుడైన యోబుకు ఇలాంటి ధైర్యము కలిగితే, సిలువ వేయబడిన యేసు క్రీస్తులో దేవుని ప్రేమను రుచి చూచిన మనకు ఇంకెంత నెమ్మది ధైర్యము కలగాలి?

నక్క మీద పడ్డ తాటికాయ సంగతేమోగాని, యోబు గారి మీద మాత్రం పరలోక తైలమే కుమ్మరించబడింది.

large_pexels-brett-sayles-977951.jpg

medium_pexels-brett-sayles-977951.jpg

small_pexels-brett-sayles-977951.jpg

thumbnail_pexels-brett-sayles-977951.jpg

pexels-brett-sayles-977951.jpg

నిరాశలో ఉన్న యోబును దేవుడు ఎలా ఆదరించాడు? మనము నేర్చుకోగల సత్యాలు. కాపరి ధారావాహిక.

మూలిగే నక్క మీద తాటికాయ

sovereignty-of-god

విశ్వాసులు దేవునితో సహవాసం కలిగి ఉన్నారని, తండ్రి కుమారుడు పరిశుద్ధాత్మతో వేర్వేరుగా ఈ సహవాసాన్ని అనుభవిస్తున్నారని గడచిన వారాల్లో మనం చూసాము.

ఈ శీర్షికలో, తండ్రితో ప్రత్యేకంగా దేని వలన మనకు సహవాసం కలుగుతుంది అనేది చూద్దాం.

ముందుగా కొన్ని విషయాలు:

1. దీని వలన మనకు తండ్రితో సహవాసం కలుగుతుంది అని అంటున్నప్పుడు, కుమారుడు, పరిశుద్ధాత్మ దాంట్లో లేరన్నది నా అభిప్రాయం కాదు. నేనేమంటున్నానంటే ‘ప్రధానంగా’ లేదా ‘ప్రాముఖ్యంగా’ దీని వలన తండ్రితో మనకు సహవాసం కలుగుతుంది.

2. దేవుడు చేస్తున్న ఏ కార్యములోనైనా ముగ్గురి పాత్ర తప్పకుండా ఉంటుంది. ఉదాహరణకు ‘విశ్వాసం’ చూడండి: తండ్రి విశ్వాసాన్ని అనుగ్రహిస్తాడు (ఎఫెసీ 2:8), కుమారుడు దాన్ని సంపాదిస్తాడు (ఫిలిప్పీ 1:29), పరిశుద్ధాత్మ వలన ఆ విశ్వాసం క్రియారూపం దాల్చుతుంది. (ఎఫెసీ 1:19,20; రోమా 8:11).

3. దీని వలన మనకు తండ్రితో సహవాసం కలుగుతుంది అని అంటున్నప్పుడు, ఇతర మాధ్యమాలను నేను నిరాకరించట్లేదు. త్రియేక దేవునితో వేర్వేరుగా సహవాసం కలిగి ఉన్నాం అన్నది రుజువుపరచడానికి మాత్రమే ఈ ప్రత్యేకతను చూపిస్తున్నాను.

4. తండ్రితో మనకున్న సహవాసాన్ని దీనికి మాత్రమే పరిమితం చేయట్లేదు.

మంచిది, ఇప్పుడు ఆ ప్రత్యేకతను చూద్దాం. విశ్వాసులకు తండ్రితో ప్రత్యేకమైన సహవాసం ప్రాముఖ్యంగా దేని ద్వారా కలుగుతుంది?

ప్రేమ ద్వారా. ఉచితమైన, అర్హత లేని, శాశ్వతమైన ప్రేమ. “తండ్రి“ ఈ ప్రేమను పరిశుద్ధులపై ఉంచుతాడు. విశ్వాసులు తండ్రిలో దీన్ని చూడాలి, దీన్ని తండ్రి నుండి పొందుకోవాలి, మరియు (ఆయన ఆశించిన పద్ధతుల్లో) తిరిగి దీన్ని ఆయనకు ఇవ్వాలి. సువార్తలో మనం కనుగొన్న గొప్ప సత్యమిదే. సాధారణంగా తండ్రిని గురించి ఆలోచించినప్పుడు ఆయన యొక్క ఉగ్రతను, కోపాన్ని, ఆగ్రహాన్ని మాత్రమే జ్ఞాపకం చేసుకుంటారు. అవును మనుష్యులు అంతకు మించి ఆయనను గురించి ఆలోచించలేరు (రోమా. 1:18; యెషయా. 33:13-14; హబక్కూకు. 1:13; కీర్తనలు. 5:4-6; ఎఫెసీ. 2:3). కాని, సువార్తలో ఆయన ‘ప్రేమ’ అని బయలుపరచబడ్డాడు. మన పట్ల నిండు ప్రేమ కలిగి యున్నాడు. ఈ సత్యము సువార్త ద్వారా మాత్రమే వ్యక్తీకరించబడింది (తీతు 3:4-7).

1. “దేవుడు ప్రేమాస్వరూపి” అని 1 యోహాను 4:8 లో మనం చూస్తాము. ఇది తండ్రిని గురించి వ్రాయబడిన మాట అని 9వ వచనములో చూడవచ్చు. తండ్రి ప్రేమాస్వరూపి గనుక ‘మన పాపములకు ప్రాయశ్చిత్తమై యుండుటకు తన కుమారుని పంపెను.’ నిర్గమకాండం 34:6,7 లో వ్రాయబడినట్లు ఆయన ‘కనికరము, దయ, దీర్ఘశాంతము, విస్తారమైన కృపాసత్యములుగల దేవుడు’ మాత్రమే కాకుండ ప్రధానంగా ఉచిత ప్రేమలో తనను తాను మనకు అప్పగించుకొంటున్నాడు. “ఇందులో ప్రేమ ఉంది,” దీన్ని గ్రహించండి అని యోహాను ఈ సత్యాన్ని మనముందుంచుతున్నాడు.

2. “ప్రభువైన యేసుక్రీస్తు కృప, దేవుని ప్రేమ, పరిశుద్ధాత్మ యొక్క సహవాసము మీకందరికిని తోడైయుండును గాక” అని 1 కొరింథీ 13:14 లో పౌలు ఇచ్చిన ఆశీర్వాదం మనం గమనించాలి. ఇక్కడ పౌలు, ఇతర విషయాలను ప్రభువుకు మరియు ఆత్మకు ఆపాదిస్తూ, తండ్రికి మాత్రం ప్రేమను ఆపాదించాడు. యేసుక్రీస్తు యొక్క కృప, తండ్రి యొక్క ప్రేమ పరిశుద్ధాత్మలో మనకు కలుగుతుంది. అందుకే ఇలాంటి ఆశీర్వచనము లేఖనములో మనం చూస్తాము.

3. “నేను మీ విషయమై తండ్రిని వేడుకొందునని మీతో చెప్పుటలేదు.., తండ్రి తానే మిమ్మును ప్రేమించుచున్నాడు” అని యోహాను 16:26,27 లో ప్రభువు శిష్యులతో అన్నాడు. ‘నేను మీ విషయమై తండ్రిని వేడుకొనను’ అని ప్రభువు ఎందుకంటున్నాడు? మన పక్షమున విజ్ఞాపన చేసేది ఆయనే కదా! ప్రభువు ఆ మాట ఎందుకంటున్నాడంటే, శిష్యులకు ప్రభువు యొక్క ప్రేమ తెలుసు. ఆయన వారిని విడచి వెళ్ళిన తరువాత కూడా వారిని మరచిపోడని వారికి తెలుసు. కాని, ఇప్పుడు వారి ఆలోచనలన్నీ తండ్రిని గురించి. ‘తండ్రి వారిని ఎలా అంగీకరిస్తాడు,’ ‘ఎలాంటి వైఖరి తమ యెడల కనుపరుస్తాడు’, అన్న చింత. కాబట్టి మన ప్రభువు వారితో, “దాని గురించి మీరు చింతించకండి. ఈ విషయములో నేను తండ్రిని బలవంతం చేయవలసిన అవసరం లేదు. ‘తండ్రి తానే మిమ్మును ప్రేమించుచున్నాడు.’ మీకొరకు ఆదరణకర్తను పంపమని నేను తండ్రిని వేడుకోవాల. కాని, మీపైన ఆయనకున్న ఆ ఉచితమైన శాశ్వతమైన ప్రేమ కొరకు వేడుకొనవలసిన అవసరత లేదు. తండ్రి తానే మిమ్మును అమితంగా ప్రేమించుచున్నాడు. కాబట్టి, ఇది గ్రహించి, ఇంకేమాత్రము చింతించకుండా, ఆ ప్రేమలో ఆయనతో సహవాసం కలిగి ఉండాలి,” అని శిష్యులను ఈ భావనతో ధైర్యపరచాడు.

4. అపోస్తలుడైన పౌలు, రోమా 5:5 లో, “మనకు అనుగ్రహింపబడిన పరిశుద్ధాత్మద్వారా దేవుని ప్రేమ మన హృదయములలో కుమ్మరింపబడియున్నది” అని బోధించాడు. ఇక్కడ, తండ్రి యొక్క ప్రేమను గూర్చి మాట్లాడుతున్నాడు. పరిశుద్ధాత్ముడు దీన్ని కుమ్మరిస్తాడని, కూమరుడు దీనికొరకు పంపబడ్డాడని చెబుతూ, తండ్రికి మాత్రం ప్రేమను ఆపాదిస్తున్నాడు. ఇంకా స్పష్టంగా 2 కొరింథీ 13:11 లో, “ప్రేమకు కర్తయగు దేవుడు” అని వ్రాయబడింది.

తండ్రిలో ఈ ప్రేమ ప్రత్యేకంగా, ప్రధానంగా కనిపించుచున్నది గనుక ఇది అన్ని తదుపరి దీవెనలకు మూలం అని మనం గ్రహించాలి. క్రైస్తవులు తరచుగా తండ్రి తమ గురించి ఎలా ఆలోచిస్తున్నాడో అనే విషయంలో చాలా ఆందోళన పడుతుంటారు. ప్రభువు యొక్క మంచితనము గూర్చి అంతగా సందేహపడరు. కాని తండ్రి వారిని ఎంతవరకు అంగీకరించాడనే విషయంలో ఇబ్బంది పడుతుంటారు. వారి పట్ల ఆయన హృదయం ఎలా ఉంది? “తండ్రిని మాకు కనబరచుము, మాకంతే చాలును” (యోహాను 14:8) అని ఆశిస్తారు. ఆయన ప్రేమ తదుపరి దీవెనలన్నీటికి మూలం అని మనం గ్రహించాలి. తీతు 3:3-5 లో పౌలు అలా వివరించాడు. “మనము మునుపు అవివేకులమును అవిధేయులమును మోసపోయిన వారమును నానావిధములైన దురాశలకును భోగములకును దాసులమునైయుండి, దుష్టత్వమునందును అసూయ యందును కాలముగడుపుచు, అసహ్యులమై యొకని నొకడు ద్వేషించుచు ఉంటిమి.” మరి మన క్షేమము ఎలా కలుగుతుంది? “మన రక్షకుడైన దేవునియొక్క దయయు, మానవులయెడల ఆయనకున్న ప్రేమయు ప్రత్యక్షమైనప్పుడు…” తండ్రి యొక్క ప్రేమ వలననే. ఆ తదుపరి, “మనము నీతిని అనుసరించి చేసిన క్రియలమూలముగా కాక, తన కనికరముచొప్పుననే పునర్జన్మసంబంధమైన స్నానము ద్వారాను, పరిశుద్ధాత్మ మనకు నూతన స్వభావము కలుగజేయుట ద్వారాను మనలను రక్షించెను.” అందుకే మనలను ఆదరించడానికి ఎన్నో సాదృశ్యాలతో (అవి బలహీనమైనవి అయినప్పటికి) తండ్రి ప్రేమ లేఖనములలో చూపించబడింది. నిజమైన తండ్రి వలె, తల్లి వలె, కాపరి వలె, కోడి తన పిల్లలను వలె, ఆయన మనలను ప్రేమిస్తున్నాడు. (కీర్తనలు. 103:13; యెషయా. 63:16; మత్తయి. 6:6; యెషయా. 66:13; కీర్తనలు. 23:1; యెషయా. 40:11; మత్తయి. 23:37.)

[ఈ వ్యాసము John Owen గారు రచించిన “దేవునితో సహవాసము” (Communion with God) అనే విలువైన పుస్తకములోనుండి సంగ్రహించబడినది]

large_pexels-mayu-6348820.jpg

medium_pexels-mayu-6348820.jpg

small_pexels-mayu-6348820.jpg

thumbnail_pexels-mayu-6348820.jpg

pexels-mayu-6348820.jpg

విశ్వాసులకు తండ్రితో ప్రత్యేకమైన సహవాసం ప్రాముఖ్యంగా దేని ద్వారా కలుగుతుంది? ఆ ప్రత్యేకత ఏమిటి.

తండ్రితో విభిన్నమైన సహవాసం

distinct-communion-with-the-father

పరిశుద్ధులు దేవునితో సహవాసం కలిగి ఉంటారని, ఆయనకు మనకు మధ్య జరిగే పరిశుద్ధ క్రియల వలన ఈ సహవాసం ఉంటుంది అని గడిచిన వారములలో మనం చూసాము. అయితే, ఈ శీర్షికలో విశ్వాసులు తండ్రి, కుమారుడు, పరిశుద్ధాత్మతో విభిన్నమైన మరియు ప్రత్యేకమైన సహవాసం కలిగి ఉంటారని స్పష్టం చేయాల్సి ఉంది. త్రియేక దేవునిలోని ఒక్కొక్కరితో వేరు వేరుగా మనం సహవాసం కలిగి ఉన్నాము.

1 యోహాను 1:7 లో “సాక్ష్యమిచ్చువారు ముగ్గురు” అని వ్రాయబడింది. (తండ్రి, కుమారుడు, పరిశుద్ధాత్మ). వారు ఇచ్చే సాక్ష్యమేంటి? క్రీస్తు దేవుని కుమారుడని, ఆయన రక్తము వలన విశ్వాసులకు రక్షణ అని వారు ఇచ్చే సాక్ష్యం. మనం మనుష్యుల సాక్ష్యం అంగీకరించుచున్నాము గదా! దేవుని సాక్ష్యము మరి బలమైనది. దేవుడు మన రక్షణను గూర్చి సాక్ష్యమిచ్చినప్పుడు, ఆయన సాక్ష్యాన్ని మనం అంగీకరించాలి. తండ్రి, కుమారుడు మరియు పరిశుద్ధాత్మ ముగ్గురు వేరు వేరుగా సాక్ష్యమిస్తారు, ఎందుకంటే వారు ముగ్గురు వేర్వేరు సాక్షులు. కాబట్టి మనము కూడ అలానే వేరు వేరుగా వారి సాక్ష్యాన్ని స్వీకరించాలి. అలా చేయడం ద్వారా, మనము వారిలో ఒక్కొక్కరితో విభిన్నమైన, ప్రత్యేకమైన సహవాసం కలిగి ఉంటాము.

1 కొరింథీ 12:4-6 లో కృపావరములు పంచుటను ముగ్గురికీ ఆపాదించాడు పౌలు. “కృపావరములు నానావిధములుగా ఉన్నవి గాని ఆత్మ ఒక్కడే (పరిశుద్ధాత్మ), మరియు పరిచర్యలు నానావిధములుగా ఉన్నవి గాని ప్రభువు ఒక్కడే (యేసు క్రీస్తు ప్రభువు), నానావిధములైన కార్యములు కలవు గాని అందరిలోను అన్నిటిని జరిగించు దేవుడు ఒక్కడే (తండ్రియైన దేవుడు).” ఇలా, కృపావరములు పంచుటలో ముగ్గురి పాత్ర విభిన్నమైనది గనుక మనం కూడ వాటిని అలానే స్వీకరిస్తాము.

దేవుడు మనకిచ్చేవి మనం విభిన్నంగా (ముగ్గురి నుండి) పొందడం మాత్రమే కాకుండ, మనము దేవుని యొద్దకు చేరుట కూడ విభిన్నంగా (ముగ్గురి ద్వారా) జరిగే ప్రక్రియ. “క్రీస్తు ద్వారానే మనము ఉభయులము ఒక్క ఆత్మయందు తండ్రిసన్నిధికి చేరగలిగియున్నాము.” (ఎఫెసీ 2:18). దేవుని యొద్దకు చేరుటలో మనము “dia Christou,” “క్రీస్తు ద్వారా,” “en Pneumati,” “ఆత్మయందు,” “pros ton Patera,” “తండ్రిసన్నిధికి” చేరుతున్నాము.

దేవుడు నియమించిన పరిశుద్ధమైన క్రియలను మరియు ఆరాధనను చేయుట ద్వారా పరిశుద్ధులు దేవుని సన్నిధికి చేరుతారు. విశ్వాసం, ప్రేమ, నమ్మిక, ఆనందం మొదలైన కృపలు (క్రియలు) దేవుడు నియమించిన ఆరాధనలో భాగం. వీటి ద్వారా పరిశుద్ధులు దేవునితో సహవాసం పొందుతారు. అయితే, ఈ క్రియలు మనము తండ్రి, కుమారుడు, పరిశుద్ధాత్మ తో (వేరు వేరుగా) జరిగిస్తామని లేఖనాలు మనకు తెలియజేస్తున్నాయి.

1. తండ్రిని గూర్చి: పరిశుద్ధులు తండ్రిపట్ల విభిన్నమైన మరియు ప్రత్యేకమైన విశ్వాసం, ప్రేమ, విధేయత మొదలైనవి కలిగి ఉంటారు. ఆయన తనను తాను వారికి ప్రత్యేకంగా బయలుపరచుకుంటాడు. ఆయన తన కుమారుని గురించి సాక్ష్యం ఇస్తాడు. “దేవుని సాక్ష్యము ఆయన తన కుమారుని గూర్చి యిచ్చినదే.” (1 యోహాను 5:8). ఈ సాక్ష్యం ఆధారంగా మనము ప్రభువైన యేసుక్రీస్తును దేవుని కుమారుడిగా స్వీకరిస్తాము. కాబట్టి, ఇలా మనము తండ్రి ఇచ్చే సాక్ష్యాన్ని నమ్ముతున్నాము గనుక తండ్రిపైన ప్రత్యేకమైన విశ్వాసాన్ని కనుపరస్తున్నాము. సాధారణంగా మన విశ్వాసము త్రియేక దేవుని పైన కలిగి ఉంటాము. కాని, ఈ సందర్భములో తండ్రి పైన ప్రత్యేకమైన విభిన్నమైన విశ్వాసాన్ని కనుపరస్తున్నాము.

అలాగే, తండ్రిని ప్రత్యేకంగా ప్రేమించట. “ఎవడైనను లోకమును ప్రేమించినయెడల తండ్రి ప్రేమ వానిలో నుండదు.” (1 యోహాను 2:15). ఇక్కడ ‘తండ్రి ప్రేమ’ అంటే మనము తండ్రిని ప్రేమించట అని అర్థం. ‘ఈ లోకమునైనను లోకములో ఉన్నవాటినైనను ప్రేమింపకుండ’ మనము తండ్రిని ప్రేమిస్తున్నాము. దీన్నే మలాకి 1:6 లో తండ్రికి ఇచ్చే “ఘనత” అని పేర్కొన్నారు.

అలాగే, తండ్రిని ప్రార్థించుట, స్తుతియించుట. “తండ్రి అని మీరాయనకు ప్రార్థనచేయుచున్నారు” (1 పేతురు 1:17). ఎఫెసీ 3:14 లో “ఈ హేతువుచేత పరలోకమునందును, భూమిమీదను ఉన్న ప్రతి కుటుంబము ఏ తండ్రినిబట్టి కుటుంబమని పిలువబడుచున్నదో ఆ తండ్రియెదుట నేను మోకాళ్లూని…” మోకరించుట తండ్రిని ఆరాధించుటయే. ఇక్కడ పౌలు తండ్రిని ప్రార్థించుటను సూచిస్తూ ఆ పదం వాడుతున్నాడు. క్రీస్తు వలన మనకు కలుగుతున్న మేలులన్నీటికి తండ్రి మూలం, ఎందుకంటే ఆయన “మన ప్రభువైన యేసుక్రీస్తు తండ్రి”. ఇలా, పరిశుద్ధులు దేవునితో సహవాసం కలిగి ఉంటారు మరియు విభిన్నంగా తండ్రితో కలిగి ఉంటారు.

2. కుమారుని గూర్చి: మీరు “దేవుని యందు విశ్వాసముంచుచున్నారు నాయందును విశ్వాసముంచుడి,” అని ప్రభువు అన్నాడు. (యోహాను 14:1). “నాయందును” అంటే ప్రభువు పైన ప్రత్యేకంగా మనం విశ్వాసం ఉంచాలి అని అర్థం. తండ్రిపైన విశ్వాసంతో క్రీస్తును స్వీకరించడం (విశ్వసించడం) మాత్రమే కాకుండ, దేవుని కుమారునిగా ప్రభువైన యేసుక్రీస్తుపై మన విశ్వాసం, ధైర్యం, నిబద్ధత ప్రత్యేకంగా ఉంచాలి. ఇదే “దేవుని కుమారుని నామమందు విశ్వాసముంచుట.” (1 యోహాను 5:12). “దేవుడు (తండ్రి) లోకమును ఎంతో ప్రేమించెను. కాగా ఆయన తన అద్వితీయకుమారునిగా పుట్టిన వానియందు (కుమారుని యందు) విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను. (యోహాను 3:16). తండ్రి అనుగ్రహించిన కుమారుడు విశ్వసించబడాలి. 18వ వచనం, “ఆయనయందు విశ్వాసముంచువానికి తీర్పు తీర్చబడదు”. 36వ వచనం, “కుమారునియందు విశ్వాసముంచువాడే నిత్యజీవముగలవాడు”. “యేసు యందు మీరు విశ్వాసముంచుటయే దేవుని క్రియ…” (యోహాను 6:29). ఈ సత్యమంతటికి ఆధారం యోహాను 5:23 లో చూస్తాము: “తండ్రిని ఘనపరచునట్లుగా అందరును కుమారుని ఘనపరచ వలెనని - సర్వాధికారము కుమారునికి అప్పగించియున్నాడు; కుమారుని ఘనపరచనివాడు ఆయనను పంపిన తండ్రిని ఘనపరచడు.”

అలాగే, కుమారుని ప్రేమించుట. దీన్ని సూచిస్తూ ఎన్నో వచనాలు ఉన్నాయి కాని ఒక్క వచనం చూద్దాం. ఎఫెసీ 6:24 లో అపోస్తలుడు ఇచ్చిన ఆశీర్వాదం: “మన ప్రభువైన యేసుక్రీస్తును శాశ్వతమైన ప్రేమతో ప్రేమించు వారికందరికిని కృప కలుగును గాక”. అనగా ‘దైవిక ప్రేమతో’ లేదా ‘భక్తిపూర్వకమైన ప్రేమతో’ అని అర్థం. ప్రభువుకు తగిన ప్రేమ ఇదే.

అలాగే, కుమారుని ఆరాధించుట. ప్రకటన 1:6 లో పరిశుద్ధులు ప్రత్యేకమైన విశ్వాసం, ప్రేమ, నిరీక్షణలతో కుమారుని ఆరాధిస్తారని స్పష్టంగా చూడవచ్చు. “మనలను ప్రేమించుచు తన రక్తమువలన మన పాపములనుండి మనలను విడిపించినవానికి మహిమయు ప్రభావమును యుగయుగములు కలుగునుగాక, ఆమేన్‌. ఆయన మనలను తన తండ్రియగు దేవునికి ఒక రాజ్యముగాను యాజకులనుగానుజేసెను.” ప్రకటన 5:8 లో ఇంకా స్పష్టంగా, “ఆ నాలుగుజీవులును, వీణలను, ధూప ద్రవ్య ములతో నిండిన సువర్ణపాత్రలను పట్టుకొనియున్న ఆ యిరువదినలుగురు పెద్దలును, ఆ గొఱ్ఱపిల్ల యెదుట సాగిల పడిరి.” మరియు 13,14 వచనాల్లో, “అంతట పరలోకమందును భూలోకమందును భూమి క్రిందను సముద్రములోను ఉన్న ప్రతి సృష్టము, అనగా వాటిలోనున్న సర్వమును సింహాసనాసీనుడై యున్నవానికిని గొఱ్ఱపిల్లకును స్తోత్రమును ఘనతయు మహిమయు ప్రభావమును యుగయుగములకు కలుగును గాక అని చెప్పుట వింటిని. ఆ నాలుగు జీవులు ఆమేన్‌ అని చెప్పగా ఆ పెద్దలు సాగిలపడి నమస్కారము చేసిరి.” ఇక్కడ తండ్రి మరియు కుమారుడు (సింహాసనంపై కూర్చున్నవాడు మరియు గొర్రెపిల్ల) ఉమ్మడిగా, అదే సమయంలో వేర్వేరుగా, సమస్త ఆరాధనకు మరియు ఘనతకు ఎల్లకాలం తగిన వారని చూపించబడుతున్నారు.

3. పరిశుద్ధాత్మను గూర్చి: పైవన్నీ ఉన్నప్పటికీ, క్షమించలేని పాపముగా పరిగణించబడే అవిశ్వాసము పరిశుద్ధాత్మను నిరాకరిచుట లేదా ఎదిరించుటయే అని తెలియజేయబడింది. అలాగే, పరిశుద్ధాత్మ ప్రేమను గూర్చి రోమా 15:32 లో మరియు పరిశుద్ధాత్మను ప్రార్థించుటను గూర్చి అపోస్తలులు ఇచ్చే ఆశీర్వాదంలో మనం చూడవచ్చు. “ప్రభువైన యేసుక్రీస్తు కృపయు దేవుని ప్రేమయు పరిశుద్ధాత్మ సహవాసమును మీకందరికిని తోడైయుండును గాక.” (1 కొరింథీ 13:14). ఈ ఆశీర్వాదాలు వాస్తవానికి ప్రార్థనలు. అలాగే, పరిశుద్ధాత్ముడు కూడా నియమింపబడిన సమస్త ఆరాధనకు అర్హుడు. దీని గురించి మరింత తరువాత చెబుతాను.

ఇలా, మనము వివిధరకాలైన కృపల ద్వారా (విశ్వాసం, ప్రేమ, ప్రార్థన, ఆరాధన…) దేవునితో సహవాసం కలిగి యున్నాము. అయితే, ఈ సహవాసం తండ్రి కుమారుడు పరిశుద్ధాత్మతో విభిన్నంగా మరియు ప్రత్యేకంగా కలిగి యున్నము. దీనికి వేరుగా ఉండే విశ్వాసం లేదు, ప్రార్థన లేదు, ఆరాధన లేదు, విధేయత లేదు.


[ఈ వ్యాసము John Owen గారు రచించిన “దేవునితో సహవాసము” (Communion with God) అనే విలువైన పుస్తకములోనుండి సంగ్రహించబడినది. తరువాయి భాగము వచ్చేవారం ప్రచురణ చేయబడుతుంది. ప్రార్థించగలరు].

large_pexels-dobromir-hristov-3845162.jpg

medium_pexels-dobromir-hristov-3845162.jpg

small_pexels-dobromir-hristov-3845162.jpg

thumbnail_pexels-dobromir-hristov-3845162.jpg

pexels-dobromir-hristov-3845162.jpg

"Communion with God" పుస్తక అనువాదము. Part 1; Chapter 2; Section A. రచయిత: John Owen.

తండ్రి, కుమారుడు, పరిశుద్ధాత్మతో విభిన్నమైన సహవాసం.

dictinct-communion

‘సహవాసం’ అనేది వ్యక్తులకు, విషయాలకు సంబంధించి ఉంటుంది. కలిసి ఏదైన ఒక దాంట్లో పాల్గొనడాన్ని సహవాసం అంటారు. అది మంచైనా చెడైనా, సంతోషమైనా భాద్యతైనా, స్వభానమైనా చర్యలైనా, ఉమ్మడిగా పాల్గొనడమే సహవాసం.

ఉదాహరణకు, మనుష్యులందరు ఒకే స్వభావాన్ని పంచుకుంటారు కాబట్టి ఆ స్వభావంలో వారు సహవాసం కలిగి ఉన్నారని అర్థం. ఏర్పరబడినవారిని ఉద్దేశిస్తూ హెబ్రి పత్రికలో, ఆ పిల్లలు “రక్తమాంసములు” (మనుష్య స్వభావము) “గలవారైనందున” (పంచుకొనుట లేదా పాల్గొనుట), “క్రీస్తు కూడ రక్తమాంసములలో పాలివాడాయెను” అని చెప్పబడింది (హెబ్రి 2:14).

అలాగే, మనముంటున్న స్థితినిబట్టి కూడా సహవాసం ఏర్పడుతుంది. అది మంచి చెడులైనా లేదా ఆత్మసంబంధమైన స్థితియైనా - విశ్వాసులు ఈ స్థితిలో ఒకరితో ఒకరు సహవాసం కలిగి ఉన్నారు. యేసు క్రీస్తు ప్రభువు ఇద్దరు దొంగలతో కలిసి ఒక స్థితిని పంచుకున్నాడు. వారికందరికి సిలువ మరణం విధించబడింది (లూక 23:30). వారు శ్రమపొందాలని తీర్పు తీర్చబడి, భయంకరమైన దుఃఖ స్థితిని పంచుకున్నారు. వారిలో ఒకడు ప్రభువును బ్రతిమిలాడి, ప్రభువు వెళ్ళబోయే ఆ మంచి స్థితిని పొందుకున్నాడు.

అంతేకాకుండా, అవి మంచివైనా చెడ్డవైనా, చేసే క్రియలను బట్టి కూడా సహవాసం ఏర్పడుతుంది. విశ్వాసులు సువార్తలో పాలివారవుట (ఫిలిప్పీ 1:5), లేదా కలిసి దేవున్ని స్తుతించి ఆరాధించుట మొదలైనవి మంచి క్రియల వలన కలిగే సహవాసం. ఇవే క్రియలలో దావీదు కూడా ఆనందించాడు (కీర్తనలు 42:4). షిమ్యోను, లేవి కలిసి తమ పగ తీర్చుకోడానికి ఇతరులను చంపడం చెడ్డ క్రియలవలన కలిగే సహవాసానికి ఒక ఉదాహరణ (ఆది 49:5).

అయితే, దేవునితో మన సహవాసం వీటిలో ఒకటి కాదు. దేవునితో మన సహవాసం స్వాభావికంగా కలిగే అవకాశం లేదు. స్వచ్చందంగా, ఇష్టపూర్వకంగా, సమ్మతి చొప్పున కలగాలి. ఉంటున్న స్థితినిబట్టి కలిగే అవకాశం లేదు. క్రియల వలన కలగాలి. ఇతరుల కొరకు చేసే క్రియల వలన కాదు. ఆయనకు మనకు మధ్య జరిగే క్రియల వలన కలగాలి.

దేవునికి మనిషి మధ్య ఉన్న అనంతమైన అసమానత కారణంగా వారి మధ్య స్నేహం ఉండదని నిర్ధారించాడు ఒక గొప్ప తత్వవేత్త (అరిస్టాటిల్). అతను స్నేహితుల మధ్య కొంత సాన్నిహిత్యాన్ని అనుమతించగలిగాడు; కానీ అతని అవగాహనలో, దేవునికి మనిషికి మధ్య సాన్నిహిత్యానికి చోటు లేదు. ఇంకొకాయన, “దేవునికి మనిషికి మధ్య ఒక నిర్దిష్ట సహవాసం ఉన్నప్పటికీ, అది పరిపాలన వలన కలిగే సాధారణ పరస్పర చర్య మాత్రమే” అని అన్నాడు. మరికొందరు ఈ సహవాసాన్ని గురించి కొంచం ఉన్నతంగా మాట్లాడారు, కానీ వారు మాట్లాడుతున్నదేంటో వారికి అర్థం కాలేదు. ఈ జ్ఞానం క్రీస్తులో దాగి ఉంది. ఎంతో అద్భుతమైన ఈ జ్ఞానాన్ని పాపముతో ఉన్న మనము గ్రహించలేము. స్వంత ఊహలు ఆందోళన మరియు మరణ భయాన్ని మాత్రమే కలిగిస్తాయి. కాని, మనము ఇంతకుముందు చూసినట్లు, మనకు ఒక క్రొత్త పునాది, క్రొత్త ఆధిక్యత ఉంది.

వారి మధ్య ఉన్న ఐక్యత ఆధారంగా ఇరువురికి ఇష్టమైనవాటిని పరస్పరము పంచుకోవడమే నిజమైన సహవాసం. దావీదు యోనాతానుల మధ్య అదే జరిగింది. ప్రేమ వలన వారి ఆత్మలు పెనవేసుకుపోయాయి (1 సమూ 20:17). తద్వార వారి మధ్య ఐక్యత ఏర్పడింది. ఆ ప్రేమలోనుండి పుట్టిన వాటంనిటిని వారు పరస్పరము పంచుకున్నారు.

ఆత్మ సంబంధమైన విషయాలలో ఇది మరింత విశిష్టంగా ఉంటుంది. ఆత్మ సంబంధమైన సహవాసాన్ని అనుభవించేవారికి అత్యంత అద్భుతమైన ఐక్యత పునాదిగా ఉంది; ఈ ఐక్యతలోనుండి వారు పరస్పరం పంచుకునేవి అత్యంత విలువైనవి మరియు ప్రాముఖమైనవి. ‘దేవుడు తనను తాను మనకు ఇవ్వడం, మనము దేవునికి ఆయన అడిగిన వాటిని తిరిగి ఇవ్వడం,’ ఇది దేవునితో మన సహవాసం. యేసుక్రీస్తు ద్వారా ఆయనతో మనకున్న ఐక్యతలోనుండి ఇవి ప్రవహిస్తాయి.

ఈ సహవాసం రెండు దశలు: 1. పరిపూర్ణమైన, సంపూర్ణమైన సహవాసం. ఇది ఆయన మహిమ యొక్క పూర్తి ఫలం. మనము పూర్తి విధేయతతో ఆయనలో విశ్రాంతి తీసుకోవడం. ఈ రకమైన సహవాసాన్ని మనము నిత్యత్వంలో అనుభవిస్తాము. 2. ప్రారంభ మరియు అసంపూర్ణమైన సహవాసం. ఇది మనకు ఇక్కడ, ఇప్పుడు ఆయన దయ వలన కలిగేది. ఇది పరిపూర్ణత యొక్క ప్రథమ ఫలము. ఈ రకమైన సహవాసాన్ని గురించి నేను వివరించబోతున్నాను.

యేసు రక్తంతో ఆమోదించబడిన సమాధాన నిబంధనలో పరిశుద్ధులు ఇప్పుడు దేవునితో సహవాసాన్ని కలిగియున్నారు. మన ప్రభువును రక్షకుడైన యేసుక్రీస్తు యొక్క తండ్రియైన దేవుడు తన కృపా మహదైశ్వర్యం చొప్పున శత్రువులుగా ఉన్న మనకు ఆయనతో సహవాసాన్ని తిరిగి అనుగ్రహించాడు.

ఈ పుస్తకములో అయన దయగల మాటలను చదివేవారు అయన మాధుర్యాన్ని మరియు శ్రేష్ఠతను రుచి చూడాలని, తద్వార తమ రక్షణ పరిపూర్ణత కొరకు మరియు ఆయన మహిమ యొక్క సంపూర్ణత కొరకు మరింత ఆసక్తితో ఆపేక్షించాలని నేను ప్రార్థిస్తున్నాను.

[ఈ వ్యాసము John Owen గారు రచించిన “దేవునితో సహవాసము” (Communion with God) అనే విలువైన పుస్తకములోనుండి సంగ్రహించబడినది. తరువాయి భాగము వచ్చేవారం ప్రచురణ చేయబడుతుంది. ప్రార్థించగలరు].

large_pexels-pixabay-39511.jpg

medium_pexels-pixabay-39511.jpg

small_pexels-pixabay-39511.jpg

thumbnail_pexels-pixabay-39511.jpg

pexels-pixabay-39511.jpg

"Communion with God" పుస్తక అనువాదము. Part 1; Chapter 1; Section B. రచయిత: John Owen.

ఈ సహవాసం ఎలాంటిది?

communion-with-god-2